80 سالہ بزرگ خاتون سے زیادتی کرنے والا ملزم ساتھی سمیت گرفتار

ٹوبہ ٹیک سنگھ: پنجاب کے شہر ٹوبہ ٹیک سنگھ میں 80 سالہ بزرگ خاتون سے زیادتی کرنے والے ملزم کو پولیس نے ساتھی سمیت گرفتار کرلیا۔

پنجاب پولیس کے آفیشل ٹوئٹر ہینڈل کے مطابق آئی جی پنجاب راؤ سردار علی خان کی ہدایت پر ڈی پی او ٹوبہ ٹیک سنگھ نے 80 سالہ بزرگ خاتون سے جنسی زیادتی کرنے والے ملزم مجاہد کو ساتھی سمیت گرفتار کرلیا ہے۔

پولیس کا کہنا ہے کہ ملزمان کو عدالتوں سے سخت سزا دلوانے کے لیے ڈی پی او کو کیس کی ذاتی نگرانی کی ہدایت کردی گئی ہے۔

وزیراعظم کے معاون خصوصی برائے سیاسی روابط شہباز گل نے اپنے بیان میں کہا ہے کہ اس واقعے کو اعلیٰ ترین سطح پر مانیٹر کیا جائے گا اور مجرم کو قرار واقعی سزا ملے گی۔

آئی جی پنجاب راؤ سردار علی خان کی ہدایت پر ڈی پی او ٹوبہ ٹیک سنگھ نے اسی سالہ بزرگ خاتون سے زیادتی کے مرتکب جنسی درندے مجاہد کو ساتھی سمیت گرفتار کر لیا ، ملزمان کو عدالتوں سے سخت سزا دلوانے کے لیے ڈی پی او کو کیس کی ذاتی نگرانی کی ہدایت ۔@siasatpk https://t.co/quZIV8mh2d pic.twitter.com/t6XVHDfpSm

— Punjab Police Official (@OfficialDPRPP) November 14, 2021