- کراچی میں مرکزی مویشی منڈی کب اور کہاں سجے گی؟
- پاکستان ویسٹ انڈیز ویمن ٹی ٹوئنٹی سیریز کا پہلا میچ آج کھیلا جائے گا
- اسحاق ڈار کی پی ٹی آئی کو ساتھ کام کرنے کی پیش کش
- ٹی ٹوئنٹی ورلڈ کپ 2024 کی ٹرافی پاکستان پہنچ گئی، اسلام آباد میں رونمائی
- وزیر مملکت برائے آئی ٹی شزہ فاطمہ سے میٹا کے وفد کی ملاقات
- برطانیہ کا ایرانی ڈرون انڈسٹری پر نئی پابندیوں کا اعلان
- سزا اور جزا کے بغیر سرکاری محکموں میں اصلاحات ممکن نہیں، وزیر اعظم
- چوتھا ٹی ٹوئنٹی: نیوزی لینڈ کے ہاتھوں پاکستان کو مسلسل دوسری شکست
- حماس کی قید میں موجود اسرائیلی یرغمالی کی نئی ویڈیو جاری
- جامعہ کراچی میں قائم یونیسکو چیئرکے ڈائریکٹر ڈاکٹراقبال چوہدری سبکدوش
- تنزانیہ میں طوفانی بارشیں؛ سیلاب اور لینڈ سلائیڈنگ سے 155 افراد ہلاک
- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ مسترد کردی
این اے 133 الیکشن؛ لاہور ہائیکورٹ سے بھی تحریک انصاف کی درخواستیں مسترد
لاہور: ہائیکورٹ نے تحریک انصاف کے امیدواروں جمشید چیمہ اور مسرت چیمہ کی حلقہ این اے 133 ضمنی الیکشن سے متعلق اپیلیں مسترد کردیں۔
لاہور ہائیکورٹ کے جسٹس جواد حسن اور جسٹس مزمل اختر شبیر پر مشتمل 2 رکنی بنچ نے جمشید اقبال چیمہ اور مسرت چیمہ کی اپیلوں پر سماعت کی۔ الیکشن کمیشن کے وکیل نے درخواستوں کی مخالفت کی اور قابل سماعت ہونے پر اعتراض کیا جب کہ ن لیگ کی امیدوار شائستہ پرویز کے وکیل بیرسٹر احمد قیوم نے بھی درخواستوں کے قابل سماعت ہونے پر اعتراض اٹھایا۔ 2 رکنی بنچ نے اپیل کنندہ سے استفسار کیا کہ ہمیں معلوم ہوا کہ کیس میں تاخیر ہورہی ہے، عدالت نے ریمارکس دیئے کہ یہ تاثر نہ دیں کہ عدالتوں کی وجہ سے کیس میں تاخیر ہو رہی ہے، آپ دلائل دیں، ہم سن لیتے ہیں.
وکیل اپیل کنندہ نے موقف اختیار کیا کہ ووٹر سرٹیفیکیٹ پر حلقہ کا نمبر نہیں لکھا ہوتا، ہمیں میڈیا سے علم ہوا کہ ہمارا تجویز کنندہ اس حلقے سے نہیں اور الیکشن کمیشن کی ووٹر لسٹیں ناقص ہیں۔ وکیل درخواست گزاران نے مزید کہا کہ میں نے علم ہونے پر ریٹرننگ افسر کو متبادل پیش کرنے کی اجازت مانگی اور یہ درخواست مقررہ وقت سے پہلے دی تھی، میرے تجویز کنندہ اور ان کی فیملی کے بھی اس حلقہ میں ووٹ ہیں۔
وکیل درخواست گزاران نے موقف اختیار کیا کہ الیکشن کمیشن نے دانستہ حلقہ بندی میں غلطی کی، الیکشن کمیشن نے 3ہزار 24 ووٹوں کو این اے 133 میں شامل کر لیا جب کہ اس حلقہ کے ووٹوں کی تعداد آبادی سے زیادہ ہے۔ وکیل اعتراض کنندہ نے موقف اختیار کیا کہ تجویز کنندہ اور تائید کنندہ کا متعلقہ حلقہ سے ہونا ضروری ہے، عدالت نے فریقین کے وکلا کے دلائل سننے کے بعد مختصر وقت کیلئے فیصلہ محفوظ کرلیا جو بعد ازاں سناتے ہوئے تحریک انصاف کے امیدوار جمشید اقبال چیمہ اور مسرت چیمہ کی اپیلیں مسترد کردیں اور ریٹرنگ آفیسر اور ہائیکورٹ کے الیکشن ایپلیٹ ٹربیونل کا فیصلہ برقرار رکھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔