امریکا سمیت تمام ممالک کیساتھ مثبت تعلقات چاہتے ہیں، سہیل شاہین

دوحہ: ترجمان طالبان سہیل شاہین نے کہا ہے کہ افغانستان میں مشترکہ مفادات، سرمایہ کاری اور تعمیرِ نو کے لیے امریکا سمیت تمام ممالک کے ساتھ مثبت تعلقات کے خواہش مند ہیں۔ 

دوحہ میں طالبان کے ترجمان اور اقوام متحدہ میں طالبان کے نامزدہ کردہ مستقل مندوب سہیل شاہین نے سماجی رابطے کی ویب سائٹ پر اپنی طویل ٹوئٹ میں لکھا ہے کہ افغان عوام نے طویل جدوجہد کے بعد آزادی حاصل کی ہے جس کے بعد آزاد افغانستان کے لیے امریکا سمیت تمام ممالک کے ساتھ باہمی مفادات، سرمایہ کاری اور تعمیر نو، مشترکہ منصوبوں پر مبنی مثبت تعلقات کا ایک نیا باب کھل گیا ہے۔

1/3
The Afghan people have gained independence after long struggles. This has opened up a new phase for an independent country to have positive relations with all countries including US based on mutual interests, investments in and reconstruction of Afghanistan, joint ventures

— Suhail Shaheen. محمد سهیل شاهین (@suhailshaheen1) November 16, 2021

ترجمان طالبان نے سہیل شاہین نے اپنی ٹوئٹ میں یہ بھی بتایا کہ قدرتی وسائل کی تلاش اور معدنیات نکالنے کے لیے امریکا کے ساتھ ہونے والے دوحہ معاہدے کی پاسداری کر رہے ہیں۔

طالبان ترجمان اپنے اس عہد کو بھی دہرایا کہ افغان سرزمین کو کسی دوسرے ملک کے خلاف استعمال کرنے کی اجازت نہیں دیں گے۔ موجودہ حکومت کی پورے ملک میں حاکمیت اور رٹ قائم ہے اور عوام کی بھی مکمل حمایت حاصل ہے۔

سہیل شاہین نے اپنی ٹوئٹ میں یہ بھی مطالبہ کیا کہ اقوام متحدہ میں افغانستان کے مستقل مندوب کی نشست کے لیے طالبان حکومت تمام قانونی شرائط پوری کرتی ہے اور ہم امید کرتے ہیں کہ قانونی تقاضے سیاسی ترجیحات سے بالاتر ہوں گے۔

3/3 reflecting their aspirations. We have all the conditions needed for occupying the seat of Afghanistan at UN. We hope, legal requirements will supersede political preferences.

— Suhail Shaheen. محمد سهیل شاهین (@suhailshaheen1) November 16, 2021

واضح رہے کہ طالبان حکومت نے اقوام متحدہ میں مستقل مندوب کے طور پر سہیل شاہین کو نامزد کیا ہے تاہم متعلقہ کمیٹی تاحال اس پر کارروائی کا آغاز نہیں کرسکی ہے۔