کراچی میں فلیٹ میں آتشزدگی سے معمر معذور خاتون جاں بحق

ویب ڈیسک  پير 29 نومبر 2021
پولیس کے مطابق معمر خاتون معذور ہونے کے باعث باہر نہ نکل سکیں۔

پولیس کے مطابق معمر خاتون معذور ہونے کے باعث باہر نہ نکل سکیں۔

 کراچی: گارڈن ایسٹ میں ایک عمارت کے فلیٹ میں آتشزدگی سے معمر معذور خاتون جاں بحق ہوگئی۔

کراچی کے علاقے گارڈن میں گھر میں اچانک آگ بھڑک اٹھی جس سے 2 خواتین اور 3 بچوں سمیت 5 افراد جھلس کر زخمی ہوگئے۔ واقعے کی اطلاع ملتے ہی فائر بریگیڈ کی ایک گاڑی پہنچی اور آگ پر قابو پایا۔

جھلس کر زخمی ہونے والی ایک خاتون کو تشویشناک حالت میں برنس وارڈ منتقل کیا گیا جہاں وہ زخموں کی تاب نہ لاتے ہوئے جاں بحق ہوگئیں۔ پولیس کے مطابق معمر خاتون معذور ہونے کے باعث باہر نہ نکل سکیں۔

فلیٹ احمد نامی شخص کا ہے جس کی اہلیہ اور بچے بھی جھلس کر زخمی ہوئے، آتشزدگی میں احمد کی 80 سالہ والدہ پروین جاں بحق اور اہلیہ خدیجہ سمیت بچے جھلس کر زخمی ہوئے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔