جعلی نوکری کے اشتہار پر راولپنڈی پہنچنے والے سیکڑوں امیدوار مشتعل

امیدواروں نے احتجاج کے دوران نیم سرکاری عمارت کا گھیراؤ کرلیا۔

---

LONDON: راولپنڈی میں سیکڑوں افراد بحرین پولیس میں بھرتی کا جعلی اشتہار دیکھ کر پہنچ گئے اور خبر جھوٹی ثابت ہونے پر شدید احتجاج کیا۔

ایکسپریس نیوز کے مطابق سیکڑوں افراد سوشل میڈیا پر بحرین پولیس میں بھرتی کا جعلی اشتہار دیکھ کر راولپنڈ کے علاقے راول روڈ پہنچ گئے تاہم خبر جھوٹی ثابت ہونے پر امیدوار مشتعل ہوگئے اور شدید احتجاج کیا۔

بحرین پولیس میں بھرتی کے لیے ٹیسٹ دینے آنے والے نوجوانوں کا راول روڈ راولپنڈی پر احتجاجی مظاہرہ جاری۔ pic.twitter.com/fzDXEiL46b

— Malik Ali Raza (@MalikAliiRaza) November 30, 2021

مظاہرین نے احتجاج کے دوران نیم سرکاری عمارت کا مکمل گھیراؤ کرلیا اور استقبالیہ میں توڑ پھوڑ کی جس کے باعث عمارت میں موجود عملہ محصور ہوگیا جب کہ راولپنڈی راول روڈ سے کئی رابطہ سڑکیں بھی بلاک کردی، مظاہرین کے مشتعل ہونے پر پولیس کی بھاری نفری موقع پر پہنچ گئی اور مظاہرین کو منتشر کرنے کے لیے ہوائی فائرنگ شروع کردی تاہم حالات خراب ہونے پر پولیس کی مزید نفری کو طلب کرلیا گیا ہے۔

راولپنڈی۔ بحرین پولیس میں بھرتی کیلئے آنے والے افراد کا راول روڈ پر احتجاج

امیدواروں کا جم غفیر فوجی ٹاور کے قریب راول روڈ پر پہنچ گیا

بھرتی کی سوشل میڈیا پر نیوز جعلی تھی کا بینر لگا دیکھ کر امیدوار مشتعل

امیدواروں نے فوجی ٹاور کے قریب راول روڈ کو بلاک کر دیا، @CMPunjabPK pic.twitter.com/LMqvW1ruVW

— ch sajjad Haider (@chsajjad844) November 30, 2021