- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گذشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
نادرا عملہ عدم تحفظ کا شکار، کئی شناختی کارڈ دفاتر بند کرنے کا فیصلہ
کراچی: نیشنل ڈیٹا بیس رجسٹریشن اتھارٹی (نادرا) نے جعلی شناختی کارڈوں کا اجرا روکنے کے لیے شہر کے کئی علاقوں میں نادرا مراکز بند کرنے کا فیصلہ کیا ہے۔
سیاسی اور لسانی جماعتیں بلدیہ ٹائون، لی مارکیٹ ، سائٹ میں نادرا کے عملے پر دبائو ڈال کر تارکین وطن کی رجسٹریشن اور شناختی کارڈ حاصل کررہے ہیں جو شناختی کارڈ غیرقانونی یا نامکمل دستاویزات پر بنوائے گئے ہیں ان تمام شناختی کارڈوں کو بلاک کردیا گیا ہے، تفصیلات کے مطابق تارکین وطن کے شناختی کارڈ بنوانے کیلیے بعض سیاسی، لسانی اور کالعدم تنظیموں کی جانب سے نادرا کے عملے کو دھمکا کر رجسٹریشن کرانے کے بڑھتے واقعات پر نادرا نے جعلی شناختی کارڈوں کی بیخ کنی اور ڈیٹا بیس کو ہر قیمت پر ایسے عناصر کی کوششوں سے پاک رکھنے کیلیے حساس علاقوں میں قائم دفاتر بند کرنے کا فیصلہ کیا ہے، ذرائع نے بتایا ہے کہ جرائم پیشہ عناصر کی جانب سے دبائو ڈال کر جن افراد کی غیرقانونی اور نامکمل دستاویزات پر رجسٹریشن کروائی گئی تھی ان کے شناختی کارڈ ہیڈکوارٹر سے بلاک کردیے گئے ہیں، کافی عرصے سے مسلح افراد بلدیہ ٹائون، لی مارکیٹ، سائٹ اور دیگر علاقوں میں نادرا کے دفاتر میں عملے کو ہراساں کررہے ہیں۔
مذکورہ مراکز کی جانب سے نادرا حکام کو سنگین صورتحال سے آگاہ کیا گیا جس پر نادرا صوبائی ہیڈکوارٹر نے مسائل کے حل کیلیے حکومت سندھ سے درخواست کی کہ نادرا مراکز پر سخت حفاظتی انتظامات کا بندوبست کیا جائے تاہم حکومت سندھ اس حوالے سے حفاظتی انتظامات کرنے میں ناکام رہی، حکومتی رویے سے مایوسی پر نادرا نے فیصلہ کیا ہے کہ مذکورہ علاقوں میں نادرا مراکز بند کرکے جعلی شناختی کارڈوں کی حوصلہ شکنی کی جائے گی اور کسی قیمت پر تارکین وطن کے شناختی کارڈ نہیں بنائے جائیں گے ، نادرا کا اپنا تحفظ کی جانچ اور شناختی کارڈ بنانے کا مروجہ طریقہ کار ہے جس میں غلطی کی گنجائش نہیں ہے جعلی دستاویزات پر جو لوگ زبردستی کارڈ پراسس کروالیتے تھے ان کے کارڈ ہیڈکوارٹر سے بلاک کردیے جاتے ہیں۔
حقیقی عام پاکستانی شہریوں کی رجسٹریشن پر کوئی اثر نہیں پڑے گا کیونکہ صرف ایسے شناختی کارڈوں کو بلاک کیا جاتا ہے جو غلط معلومات یا نامکمل دستاویزات پر بنوائی جاتی ہیں ان وجوہات کے باعث گزشتہ ماہ کیماڑی اور صفورہ گوٹھ کے دفاتر بندکیے جاچکے ہیں جبکہ مزید دفاتر بھی بند کیے جائیں گے مذکورہ علاقوں میں قائم نادرا کے دفاتر میں عملہ مسلسل عدم تحفظ کا شکار ہے ان دفاتر میں سیکیورٹی انتظامات بہتر نہ ہونے کی وجہ غنڈہ عناصر دفاتر میں گھس کر عملے سے رجسٹریشن کیلیے دست درازی اور دھونس سے کام لیتے ہیں، عملے کی طرف سے انکار کی صورت میں انھیں سنگین نتائج کی دھمکیاں دی جاتی ہیں، مذکورہ دفاتر میں نادرا کا عملہ دفاتر میں کام گریزاں اور خوف و ہراس کا شکار ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔