نجی یونیورسٹی کی طالبہ کو اغوا کے بعد زیادتی کرنے والا ملزم گرفتار

ویب ڈیسک  جمعرات 2 دسمبر 2021
ملزم لاء کا سٹوڈنٹ ہے اور یونیورسٹی آف لندن رائیونڈ میں زیر تعلیم ہے، ایس ایس پی ۔ فوٹو:فائل

ملزم لاء کا سٹوڈنٹ ہے اور یونیورسٹی آف لندن رائیونڈ میں زیر تعلیم ہے، ایس ایس پی ۔ فوٹو:فائل

لاہور: پولیس نے نجی یونیورسٹی کی طالبہ سے اغوا کے بعد زیادتی کرنے والے ملزم کو گرفتار کرلیا۔ 

ایس ایس پی انویسٹی گیشن لاہور نے دعویٰ کیا ہے کہ گزشتہ روز لاہور کی نجی یونیورسٹی کی طالبہ سے زیادتی کرنے والے ملزم کو گرفتار کرلیا گیا ہے، ملزم کو انویسٹی گیشن پولیس نواب ٹاؤن اور جینڈر سیل صدر ڈویژن نے جدید ٹیکنالوجی کی مدد سے گرفتار کیا۔

اس خبرکوبھی پڑھیں:  نجی یونیورسٹی کی طالبہ سے اغوا کے بعد زیادتی

ایس ایس پی انویسٹی گیشن نے بتایا کہ گرفتار ملزم طالبہ کو گن پوائنٹ پر اغواء کے بعد ایکسپو سینٹر کے پاس مکان میں لے گیا، اور طالبہ کو زبردستی زیادتی کا نشانہ بنایا اور موقع سے فرار ہو گیا، ملزم لاء کا سٹوڈنٹ ہے اور یونیورسٹی آف لندن رائیونڈ میں زیر تعلیم ہے۔ پولیس حکام نے کہا کہ مقدمہ کو تمام قانونی تقاضے پورے کرنے کے بعد ملزم کو عدالت میں پیش کرکے قرار واقعی سزا دلوائی جائے گی۔

واضح رہے کہ گزشتہ روز لاہور کے علاقے نواب ٹاؤن کی نجی یونیورسٹی میں بی ایس انگلش کی طالبہ کو گن پوائنٹ پر اغوا کرکے زبردستی زیادتی کا نشانہ بنادیا گیا۔ متاثرہ لڑکی نے بیان دیا ہے کہ اسے عون نامی ملزم نے پستول تان کر اغوا کیا اور زبردستی ایکسپو سینٹر کے پاس ایک گھر میں لے گیا، جہاں ملزم نے زیادتی کی اور فرار ہوگیا۔ پولیس نےملزم کے خلاف مقدمہ درج اغوا اور زیادتی کا مقدمہ درج کرلیا تھا۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔