پی ڈی ایم اسٹیئرنگ کمیٹی، لانگ مارچ اور استعفوں کی حمایت میں سفارشات تیار

ویب ڈیسک  اتوار 5 دسمبر 2021
لانگ مارچ سے پہلے چاروں صوبوں میں کنونشن اور احتجاجی جلسے کرنے پر اتفاق ۔ فوٹو:فائل

لانگ مارچ سے پہلے چاروں صوبوں میں کنونشن اور احتجاجی جلسے کرنے پر اتفاق ۔ فوٹو:فائل

 اسلام آباد: پی ڈی ایم کی اسٹیئرنگ کمیٹی کا اجلاس شاہد خاقان عباسی کی زیر صدارت ہوا۔ 

ایکسپریس نیوز کے مطابق پی ڈی ایم کی اسٹیئرنگ کمیٹی کا جلاس مسلم لیگ (ن) کے رہنما شاہد خاقان عباسی کی زیرصدارت ہوا، اجلاس میں لانگ مارچ اور اسمبلیوں سے استعفوں کے آپشن پر غور کیا گیا، اور لانگ مارچ اور استعفوں کی حمایت میں سفارشات تیار کیں۔

ذرائع کے مطابق اجلاس میں  لانگ مارچ سے پہلے چاروں صوبوں میں کنونشن اور احتجاجی جلسے کرنے پر اتفاق کرلیا گیا ہے، تاہم لانگ مارچ کب ہوگا اور استعفے کب دینے چاہئیں، وقت اور تاریخ کا تعین پی ڈی ایم کا سربراہی اجلاس کرے گا۔

اسٹئیرنگ کمیٹی کی سفارشات کل پی ڈی ایم کے سربراہی اجلاس میں پیش کی جائیں گی، جس کی صدارت مولانا فضل الرحمان کریں گے، سربراہی اجلاس اسلام آباد میں ہوگا۔

 

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔