امریکا کا بیجنگ ونٹراولمپکس 2022 کے سفارتی بائیکاٹ کا اعلان

 واشنگٹن: امریکا نے بیجنگ ونٹراولمپکس 2022کے سفارتی بائیکاٹ کا اعلان کردیا۔

وائٹ ہاؤس کی پریس سیکریٹری جین ساکی کا پریس کانفرنس میں کہنا تھا کہ چین میں انسانی حقوق کی خلاف ورزیاں اورمظالم جاری ہیں اس صورتحال میں امریکی سفارتکار اورحکام بیجنگ میں ہونے والے ونٹراولمپکس2022کا حصہ نہیں بن سکتے۔

ترجمان کے مطابق امریکی سفاتکار اورحکام تو بیجنگ نہیں جائیں گے تاہم امریکی ایتھیلیٹس ونٹراولمپکس 2022 کے مختلف مقابلوں میں شرکت کریں گے۔

واشنگٹن میں چینی سفارت خانے کی جانب سے جاری بیان میں امریکا کے سفارتی بائیکاٹ کوسیاسی حربہ قراردیتے ہوئے کہا گیا کہ چین نے کسی امریکی سیاستدان یا اعلی حکام کوونٹراولمپکس کے لئے مدعو نہیں کیا۔چین کوامریکی سفارت کاروں یا حکام کے آنے یا نہ آنے سے کوئی فرق نہیں پڑتا۔