- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
- ایرانی صدر کا دورہ کراچی، کل صبح 8 بجے تک موبائل سروس معطل رہے گی
- ایرانی صدر ابراہیم رئیسی کراچی پہنچ گئے، مزار قائد پر حاضری
- مثبت معاشی اشاریوں کے باوجود اسٹاک مارکیٹ میں مندی کا رجحان
- اسلام آبادہائیکورٹ کے فل کورٹ اجلاس میں خط لکھنے والے 6 ججوں کی بھی شرکت
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
- سعودیہ سے دیر لوئر آئی خاتون 22 سالہ نوجوان کے ساتھ لاپتا، تلاش شروع
- بیوی کی ناک اور کان کاٹنے والا سفاک ملزم ساتھی سمیت گرفتار
- پنجاب میں پہلے سے بیلٹ باکس بھرے ہوئے تھے، چیئرمین پی ٹی آئی
- ٹریفک وارڈنز لاہور نے ایمانداری کی ایک اور مثال قائم کر دی
- مسجد اقصی میں دنبے کی قربانی کی کوشش پر 13 یہودی گرفتار
- پنجاب کے ضمنی انتخابات میں پولیس نے مداخلت کی، عمران خان
- 190 ملین پاؤنڈز کیس؛ وکلا کی جرح مکمل، مزید 6 گواہوں کے بیان قلمبند
- حکومت تمام اخراجات ادھار لے کر پورا کررہی ہے، احسن اقبال
- لاپتا افراد کا معاملہ بہت پرانا ہے یہ عدالتی حکم پر راتوں رات حل نہیں ہوسکتا، وزرا
- ملائیشیا میں فوجی ہیلی کاپٹرز آپس میں ٹکرا گئے؛ 10 اہلکار ہلاک
- عالمی اور مقامی مارکیٹ میں سونے کی قیمت میں آج بھی بڑی کمی
روزانہ 10 منٹ کی ہلکی دوڑ سے موڈ خوشگوار اور دماغ مضبوط ہوتا ہے، تحقیق
ٹوکیو: جاپانی سائنسدانوں نے دریافت کیا ہے کہ روزانہ ہلکی رفتار سے صرف دس منٹ تک دوڑا جائے تو دماغ مضبوط ہونے کے ساتھ ساتھ موڈ بھی خوشگوار رہنے لگتا ہے۔
ورزش اور جسمانی مشقت کے صحت پر مثبت اثرات کے حوالے سے یہ کوئی پہلی تحقیق ہر گز نہیں بلکہ اس بارے میں سائنسی تحقیقات کا سلسلہ کئی سال سے جاری ہے۔
ان تحقیقات میں ہر بار ایک منفرد انداز سے ذہنی و جسمانی صحت کےلیے ورزش اور مشقت کے فائدے سامنے آئے ہیں۔
البتہ، ہر تحقیق کے بعد جسمانی مشقت/ ورزش کی شدت اور مدت کے اثرات کا اظہار الگ انداز سے ہوا۔
یہ خبریں بھی پڑھیے:
- دماغ بچانا ہے تو سائیکل چلایئے اور تیز قدموں سے چلیے
- بچپن میں مناسب غذا اور ورزش… جوانی میں بہترین دماغی صحت
- صرف 10 منٹ کی ورزش بھی یادداشت کے لیے مفید
- ورزش دماغی صحت کےلیے بھی مفید ترین ہے، ماہرین
- ورزش کے دماغی فوائد اگلی نسل میں بھی منتقل ہوتے ہیں، تحقیق
- سر سبز مقامات پر ورزش دماغی صحت کے لیے بھی مفید
- ورزش کی عادت جسم و دماغ میں فولاد کو باقاعدہ بناتی ہے
- باقاعدہ ورزش دماغ کو توانا اور ذہنی امراض کو دور کرتی ہے، ماہرین
- بوڑھے افراد کی باقاعدہ ورزش ان کے دماغ کو توانا رکھتی ہے، تحقیق
سوکوبا یونیورسٹی، جاپان میں ہونے والی یہ تحقیق بھی اسی سلسلے کی تازہ کڑی ہے جس میں 26 صحت مند رضاکار بھرتی کیے گئے۔
مختلف مرحلوں میں ان رضاکاروں کو دس منٹ تک ٹریڈ مل پر ہلکی رفتار سے دوڑانے کے علاوہ آرام بھی دیا گیا جبکہ ہر مرحلے پر خصوصی اور حساس آلات سے ان میں خون کی روانی، بالخصوص دماغوں تک پہنچنے والے خون کا مشاہدہ کیا گیا۔
ہر مرحلے کے بعد رضاکاروں کی یادداشت، تجزیاتی صلاحیت، مزاج (موڈ) اور دوسری دماغی کیفیات جانچی گئیں۔
صرف دس منٹ تک ہلکی رفتار سے دوڑنے (جاگنگ کرنے) کے بعد رضاکاروں کی یادداشت اور ذہانت نمایاں طور پر بہتر ہوئی جبکہ ان کا موڈ بھی خوشگوار رہا۔
البتہ، جب ان ہی رضاکاروں نے چند روز تک آرام کرنے کے بعد، اور کسی بھی قسم کی ورزش کیے بغیر، یہ تمام آزمائشیں ایک بار پھر انجام دیں تو ان کی کارکردگی بھی بہت کم دیکھی گئی۔
’’ورزش دوا ہے؛ اور جس طرح مختلف دواؤں کے اثرات ان کی اقسام کے لحاظ سے مختلف ہوتے ہیں ٹھیک اسی طرح الگ الگ ورزشوں کا اثر بھی ان کی نوعیت، مدت اور شدت کے اعتبار سے الگ ہوتا ہے،‘‘ ڈاکٹر ہیڈیاکی سویا نے کہا، جو سُوکُوبا یونیورسٹی میں فیکلٹی آف ہیلتھ اینڈ اسپورٹس سائنسز کے پروفیسر ہیں۔
تازہ تحقیق کی روشنی میں جاپانی ماہرین نے تجویز کیا ہے کہ اگر آپ کے پاس بہت زیادہ وقت نہیں، تب بھی اگر آپ کسی طرح روزانہ صرف 10 منٹ کےلیے ہلکی رفتار سے دوڑنے کی عادت بنا لیں تو یہ آپ کی جسمانی صحت کے علاوہ ذہانت اور موڈ بہتر بنانے میں بھی بہت مفید ثابت ہوگا۔
نوٹ: اس تحقیق کی تفصیلات نیچر پبلشنگ گروپ کے آن لائن ریسرچ جرنل ’’سائنٹفک رپورٹس‘‘ کے تازہ شمارے میں شائع ہوئی ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔