سازگار کنڈیشنز میں بابر اعظم کے اندر کا اسپنر جاگ اٹھا

اسپورٹس رپورٹر  بدھ 8 دسمبر 2021
بابر اعظم نے کسی بھی فارمیٹ میں کبھی ایک بھی گیند نہیں کرائی تھی فوٹو : انٹرنیٹ

بابر اعظم نے کسی بھی فارمیٹ میں کبھی ایک بھی گیند نہیں کرائی تھی فوٹو : انٹرنیٹ

 لاہور:  ڈھاکا کی سازگار کنڈیشنز میں بابراعظم کے اندر کا اسپنر جاگ اٹھا کپتان نے انٹرنیشنل کیریئر میں پہلا اوور کرا دیا۔

بیٹنگ میں دھوم مچانے والے بابر اعظم نے کسی بھی فارمیٹ میں کبھی ایک بھی گیند نہیں کرائی تھی، ڈھاکا ٹیسٹ میں جب ساجد خان بنگلا دیشی بیٹنگ لائن کا امتحان لے رہے تھے تو کپتان نے بھی دن کا آخری اوور کرنے کیلیے گیند سنبھالی اور نپی تلی بولنگ کی۔

تیج الاسلام کے بیٹ کا کنارہ لینے والی گیند فیلڈر سے تھوڑا آگے نہ گرتی تو وہ وکٹ بھی حاصل کرلیتے۔

یاد رہے ڈومیسٹک میچز میں کبھی کبھار بولنگ کرنے والے بابر اعظم نے 21وکٹیں حاصل کی ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔