پریتی زنٹا نے اپنے بچے کی پہلی تصویر شیئر کردی

ویب ڈیسک  بدھ 8 دسمبر 2021
 تصویر میں پریتی زنٹا نے اپنے بچے کو گود میں اٹھایا ہوا ہے  فوٹوفائل

تصویر میں پریتی زنٹا نے اپنے بچے کو گود میں اٹھایا ہوا ہے فوٹوفائل

ممبئی: بالی ووڈ اداکارہ پریتی زنٹا نے اپنے بچے کی پہلی تصویر سوشل میڈیا پر شیئر کی ہے۔

گزشتہ ماہ پریتی زنٹا نے سوشل میڈیا پر خوشخبری سنائی تھی کہ وہ جڑواں بچوں کی ماں بن گئی ہیں۔ تاہم ان کے بچے سروگیسی یعنی کرائے کی کوکھ کے ذریعے ہوئے ہیں۔

اور اب اداکارہ نے اپنے ایک بچے کی پہلی جھلک سوشل میڈیا پر شیئر کی ہے۔ تصویر میں پریتی زنٹا نے اپنے بچے کو گود میں اٹھایا ہوا ہے۔ انہوں نے تصویر کے ساتھ پیغام میں لکھا کہ وہ اپنے بچوں کے کاموں میں مصروف ہیں جیسے ان کے کپڑے بدلنا اور ان کے چھوٹے چھوٹے کام کرنا وغیرہ اور انہیں یہ سب بہت اچھا لگ رہا ہے۔

واضح رہے کہ پریتی زنٹا نے 2016 میں امریکی شہری جین گڈینف کے ساتھ شادی کی تھی۔ دونوں نے اپنے بچوں کا نام جے زنٹا گڈینف اور جیا زنٹا گڈینف رکھا ہے۔

یہ بھی پڑھیں: پریتی زنٹا جڑواں بچوں کی ماں بن گئیں

یاد رہے کہ پریتی زنٹا واحد اداکارہ نہیں ہیں جن کے گھر سروگیسی کے ذریعے بچوں کی پیدائش ہوئی ہے بلکہ اس سے قبل بالی ووڈ کے بڑے بڑے ستارے جیسے شاہ رخ خان، عامر خان، کرن جوہر، سنی لیونی، ایکتا کپور، تشار کپور بھی سروگیسی کے ذریعے والدین بن چکے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔