کوئٹہ دھماکے کا مقدمہ نامعلوم افراد کے خلاف درج

ویب ڈیسک  اتوار 19 دسمبر 2021
مقدمہ اے ایس آئی سی سی ٹی ڈی کی مدعیت میں نامعلوم افراد کے خلاف درج کیا گیا ہے۔ فوٹو:فائل

مقدمہ اے ایس آئی سی سی ٹی ڈی کی مدعیت میں نامعلوم افراد کے خلاف درج کیا گیا ہے۔ فوٹو:فائل

کوئٹہ: گزشتہ روز کوئٹہ میں قندھاری بازار میں ہونے والے دھماکے کا مقدمہ درج کرلیا گیا۔ 

ایکسپریس نیوز کے مطابق گزشتہ روز کوئٹہ کے علاقے قندھاری بازار میں ہونے والے دھماکے کا مقدمہ درج کرلیا گیا ہے، واقعے کا مقدمہ سی ٹی ڈی تھانے میں درج کیا گیا ہے۔

مقدمہ اے ایس آئی سی سی ٹی ڈی کی مدعیت میں نامعلوم افراد کے خلاف درج کیا گیا ہے، جس میں قتل، اقدام قتل، دہشتگردی اور ایکسپلوزو ایکٹ کی دفعات شامل ہیں۔

واضح رہے کہ گزشتہ روز میزان چوک کے قریب قندھاری بازار میں دھماکا ہوا تھا جس کے نتیجے میں 1 شخص جاں بحق اور 10 افراد زخمی ہوگئے تھے، جب کہ دھماکے سے متعدد گاڑیوں، موٹرسائیکلز اور رکشہ کو نقصان پہنچا۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔