- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
بھارتی پنجاب میں سکھوں کے مقدس مقام کی بے حرمتی پر ایک اور شخص قتل
لاہور: بھارتی پنجاب میں 24 گھنٹوں کے دوران ایک اور شخص کو مبینہ طور پر سکھوں کے مقدس مقام کی بے حرمتی کے الزام میں ہلاک کردیا گیا۔
پنجاب کی ریاست کپورتھلہ میں ایک شخص کو سکھوں کے مذہبی جھنڈے نشان صاحب کو ہٹانے کی کوشش کی، مقامی پولیس نے ملزم کو گرفتار کرلیا تاہم مشتعل افراد نے پولیس تحویل میں ہونے کے باوجود اس شخص کو ہلاک کردیا۔
گزشتہ چوبیس گھنٹوں کے دوران یہ دوسرا واقعہ ہے جس میں سکھوں کے مقدس مقام کی بے حرمتی پر کسی شخص کو ماورائے عدالت قتل کیا گیا ہے۔ قبل ازیں ہفتے کی شام گولڈن ٹمپل میں شری سچکھنڈ صاحب اور مقدس تلوار کی بے حرمتی کرنے والے شخص کو مار دیا گیا تھا۔
ان واقعات کے سبب بھارتی پنجاب میں حالات کشیدہ ہوتے نظر آرہے ہیں۔ بھارتی پنجاب کے وزیر اعلی چرن جیت سنگھ چنی نے کہا ہے انہوں نے پولیس کو ہدایت کی ہے کہ ان واقعات کے پیچھے کیا محرمات ہیں انہیں سامنے لایا جائے۔
بھارتی پنجاب کی پولیس کے سربراہ نے ان واقعات پر افسوس کا اظہار کرتے ہوئے کہا ہے کہ اب کسی کو قانون ہاتھ میں لینے کی اجازت نہیں دی جائے گی اور ایسے لوگوں سے سختی کے ساتھ نمٹا جائے گا۔
سکھوں کے سپریم لیڈر شری اکال تخت صاحب کے جتھہ دار گیانی ہرپریت سنگھ نے کہا ہے کہ شری سچ کھنڈ صاحب سکھوں کا دل ہے، اگر کوئی یہ سمجھتا ہے کہ سکھوں کے دل پر پاؤں رکھ کر وہ آسانی سے جی لے گا تو یہ اس کی بھول ہے۔
انہوں نے کہا کہ چند روز پہلے بھی ایک چھوٹی مقدس کتاب کے اوراق کی بے حرمتی کی گئی تھی، ان واقعات کو بھارتی سیاسی جماعتوں کی طرف سے پنجاب میں آنے والے الیکشنز کے حوالے سے ایک سازش قرار دیا جارہا ہے۔
سکھ رہنماؤں کا کہنا ہے اگر ماضی میں سکھوں کے مقدس مقامات کی بے حرمتی کرنے والے ملزموں کو سزا دے دی جاتی تو شاید آج لوگ قانون اپنے ہاتھ میں نہ لیتے۔
واضح رہے کہ پولیس کی طرف مارے گئے دونوں افراد کی شناخت ظاہر نہیں کی گئی تاہم دونوں واقعات کے مقدمات درج کیے گئے ہیں۔
ادھر پاکستان سکھ گوردوارہ پربندھک کمیٹی نے بھی بھارت میں سکھوں کے مقدس مقامات کی بے حرمتی کے واقعات کی مذمت کرتے ہوئے بھارتی حکومت سے مطالبہ کیا ہے کہ ان واقعات کے پیچھے جو عناصر ہیں انہیں بے نقاب کیا جائے۔ انہوں ںے دنیا بھر کی سکھ سنگتوں سے بھی اس معاملے پر مشترکہ لائحہ عمل تشکیل دینے کی اپیل کی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔