انوشکا شرما اورویرات کوہلی نے میڈیا اورفینزسے کیا درخواست کردی؟

ویب ڈیسک  پير 20 دسمبر 2021
انوشکا شرما اورویرات کوہلی پہلے بھی پرائیوسی کا احترام کرنے کی درخواست کرچکے ہیں:فوٹو:فائل

انوشکا شرما اورویرات کوہلی پہلے بھی پرائیوسی کا احترام کرنے کی درخواست کرچکے ہیں:فوٹو:فائل

 ممبئی: بھارت کی اسٹارجوڑی انوشکا شرما اورویرات کوہلی نے فوٹوگرافروں، میڈیا اورفینز سے اپنی بیٹی کے حوالے سے خصوصی درخواست کردی

سوشل میڈیا پرپیغام میں انوشکا شرما اورویرات کوہلی نے پہلے تومیڈیا اوراپنے چاہنے والوں کا شکریہ ادا کیا اورپھراپنی بیٹی ومیشکا کی تصاویراورویڈیوز نہ چھاپنے کی درخواست کی۔

انوشکا اورویرات کا کہنا ہے کہ بطوروالدین ہم ان لوگوں سے جنہوں نے وامشکا کی تصاویراورویڈیوز بنائی ہیں درخواست کرتے ہیں کہ انہیں سوشل میڈیا یا کہیں بھی اورنہ لگائیں۔

انوشکا اورویرات کوہلی نے مزید کہا کہ ہم اپنی بچی کومیڈیا اورسوشل میڈیا سے دورآزاد اورنارمل زندگی گزارنے کا موقع دینا چاہتے جواس کا حق ہے۔ امید ہے آپ سب اس سلسلے میں ہمارا ساتھ دیں گے اورپرائیوسی کا احترام کریں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔