جیکولین فرنینڈس کے لئے ایک اوربری خبر،کروڑوں کےتحائف ضبط ہوں گے

ویب ڈیسک  جمعرات 23 دسمبر 2021
جیکولین فرنینڈس کی بیرون ملک سفرکی درخواست بھی مسترد ہوچکی ہے:فوٹو:فائل

جیکولین فرنینڈس کی بیرون ملک سفرکی درخواست بھی مسترد ہوچکی ہے:فوٹو:فائل

ممبئ: بالی وڈ اداکارہ جیکولین فرنینڈس کوایک اوربری خبرکا سامنا۔ بھتہ خوری کے ملزم سے ملے کروڑوں کے تحائف ضبط کئے جائیں گے۔

بھارتی میڈیا کے مطابق منی لانڈرنگ بھتہ خوری اورفراڈکیس  میں شامل تفتیش جیکولین فرنینڈس کوبھتہ خوری کے ملزم کی جانب سے دئیے گئے کروڑوں کے تحائف ضبط کئے جائیں گے۔

200 کروڑ بھارتی روپے کی منی لانڈرنگ کیس کی تفتیش کرنے والی انفورسمنٹ ڈائریکٹوریٹ نے جیکولین فرنینڈس کے تحائف ضبط کرنے کا اعلان کیا ہے۔

200 کروڑ روپے کی منی لانڈرنگ اوربھتہ خوری کے مرکزی کردار سیکیش چندرشیکھرنے جیکولین فرنینڈس کو10 کروڑروپے کے تحائف دئیے تھے۔

منی لانڈرنگ کیس میں جیکلین فرنینڈس کے علاوہ نورا فتیحی سے بھی تفتیش کی جارہی ہے۔ نورا فتیحی کودئیے گئے تحائف بھی ضبط کئے جائیں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔