- پٹرولیم مصنوعات کی قیمتیں نہ بڑھاتے تو ملکی معشیت پر مزید دباؤ آتا، وزیرخزانہ
- او آئی سی کی یایسن ملک کی عمر قید پر تشویش کا اظہار، اسیر رہنماؤں کی رہائی کا مطالبہ
- عمران خان صاحب! حقیقت سے کب تک بھاگیں گے؟
- حکومتی اتحاد نے چیئرمین نیب کیلئے جسٹس (ر) مقبول باقر کے نام پر اتفاق کرلیا
- ننکانہ صاحب میں بھائی نے 2 بہنوں کو قتل کردیا
- ڈاکٹر عافیہ صدیقی کی امریکی جیل میں موجودگی سے متعلق اہم رپورٹ سامنے آگئی
- بجلی کا شارٹ فال 5 ہزار 780 میگاواٹ، 8 سے 12 گھنٹے لوڈ شیڈنگ جاری
- لانگ مارچ؛ راولپنڈی میں اگلے 6 روز تک سیکیورٹی ہائی الرٹ رکھنے کا فیصلہ
- زمینی فضا میں نیا اور انتہائی تعامل والا کیمیکل دریافت
- میراڈونا کے نام سے منسوب جہاز قطر فٹبال ورلڈکپ کیلئے اڑان بھرنے کو تیار
- سرکاری خزانے سے ایک دھیلا تنخواہ نہیں لی، پیٹرول تک اپنے پاس سے ڈلواتا ہوں، وزیراعظم
- پاکستانی کوہ پیماؤں کا کارنامہ، دنیا کی 5ویں بلند ترین چوٹی سرکرلی
- فرانس نے سوئمنگ پولز میں برکینی پہننے پر پابندی عائد کردی
- حکومت کرنے والے اپنےکیسز ختم نہیں کراسکیں گے جلد جیل جائیں گے، شیخ رشید
- یوم تکبیر پر چاغی کی پکار
- آئی ایم ایف کیساتھ بجلی 7 روپے یونٹ مہنگی کرنے پر بات چیت
- محمد رضوان کی ٹی20 بلاسٹ چیمپئین شپ میں لگاتار دوسری نصف سنچری
- پاکستان کو ایٹمی طاقت بنے 24 برس مکمل، آج یوم تکبیر منایا جا رہا ہے
- سورج آج خانہ کعبہ کے عین اوپرہوگا
- بجٹ 23-2022؛ مختلف وزارتوں کے ترقیاتی فنڈز میں کٹوتی کا فیصلہ
کراچی میں بارشوں کا امکان ختم، کوئٹہ کی سرد ہوائیں چل پڑیں

شہر میں 3 روز تک سرد ہوائیں چل سکتی ہیں، 31 دسمبر سے نیا مغربی سلسلہ بلوچستان کے راستے ملک میں داخل ہوگا، موسمیات (فوٹو : فائل)
کراچی: شہر قائد میں مزید بارشیں ہونے کا امکان ختم ہوگیا لیکن سردی کی شدت برقرار ہے، شہر میں کوئٹہ کی یخ بستہ ہوائیں چل پڑیں جن کی رفتار 30 کلومیٹر فی گھنٹہ ریکارڈ ہوئی۔
محکمہ موسمیات کے مطابق پیر کو شہر میں بارش کا سبب بننے والے سسٹم کے اخراج کے بعد اب مزید درمیانی اور تیز بارش کا امکان ختم ہوگیا تاہم مغربی سسٹم کے اثرات کے نتیجے میں کہیں کہیں بوندا باندی اور پھوار پڑ سکتی ہے۔
پیر کی صبح 8 بجے سے منگل کی صبح 8 بجے تک (24 گھنٹوں کے دوران) سب سے زیادہ بارش پی اے ایف بیس مسرور پر 27 ملی میٹر ریکارڈ ہوئی۔ پی اے ایف بیس فیصل پر 26 ملی میٹر، گلشن حدید 22، ناظم آباد 18.2، یونیورسٹی روڈ 17 ملی میٹر، اولڈ ائرپورٹ 13.9، نارتھ کراچی 13.7، جناح ٹرمینل 13.2، سرجانی ٹاؤن 12.6 ملی میٹر، کیماڑی، اورنگی 12.5، سعدی ٹاؤن 12.1 ملی میٹر اور قائد آباد میں 4.5 ملی میٹر بارش ریکارڈ ہوئی۔
منگل کو شہر میں کوئٹہ کی شمال مشرقی سمت کی سرد ہوائیں چل پڑیں جس کی رفتار 30 کلومیٹر فی گھنٹہ ریکارڈ ہوئی، آئندہ 3 روز تک سرد ہوائیں شہر پر اثرانداز رہ سکتی ہیں، 31 دسمبر سے ایک نیا مغربی سلسلہ بلوچستان کے راستے ملک میں داخل ہوگا۔
محکمہ موسمیات کے مطابق اگلے تین روز کے دوران مطلع صاف اور رات میں سرد رہنے کی توقع ہے، اس دوران سمندری ہوائیں معطل جبکہ بلوچستان کی مشرقی اور شمال مشرقی ہوائیں چلنے کا امکان ہے۔
تین روز کے دوران کم سے کم پارہ 12 سے 14 اور زیادہ سے زیادہ 21 سے 23 ڈگری کے درمیان رہنے کی توقع ہے، منگل کو شہر کا کم سے کم پارہ 15 اور زیادہ سے زیادہ 23.2 ڈگری ریکارڈ ہوا، صبح کے وقت دھند چھانے کے سبب حدنگاہ کم ہو کر 1200 میٹرز رہ گئی تھی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔