- آئی پی ایل2024؛ ممبئی انڈینز، سن رائزرز حیدرآباد کے میچ میں ریکارڈز کی برسات
- عورت ہی مجرم کیوں؟
- باریک سوئیوں سے بنی وائرس کش سطح تیار
- انسانوں نے جانوروں کو وائرس سے زیادہ متاثر کیا ہے، تحقیق
- خطرناک قیدی عورت کا بھیس بدل کر جیل سے فرار ہونے میں کامیاب
- پاکستان سمیت دنیا بھر کے مسلمان فلسطین کی جانب مارچ کریں، حماس ملٹری کمانڈر
- گورننس کے نظام میں اصلاحات اور معاشی استحکام حکومت کی اولین ترجیح ہے، وزیراعظم
- سفاک بھائی اور باپ نے ملکر کر لڑکی کو سفاکانہ انداز سے قتل کردیا
- ماسکو حملہ کے بعد تاحال 95 سے زائد افراد لاپتہ ہیں، رپورٹ
- ججز کے خط کا معاملہ، وزیراعظم اور چیف جسٹس کی اہم ملاقات آج ہوگی
- ہائی کورٹ ججز کے خط پر چیف جسٹس کی زیرصدارت فل کورٹ اجلاس آج بھی ہوگا
- پنجاب یونیورسٹی میں لڑکی کو چھیڑنے سے روکنے پر اوباش لڑکے کی کلرک پر فائرنگ
- کراچی: رشتے کے تنازع پر فائرنگ سے ماں جاں بحق، بیٹی زخمی
- پاکستان نے اسرائیل کو ہتھیاروں کی فراہمی پر پابندی کی حمایت کردی
- اردو یونیورسٹی کی پرنسپل سیٹ کی منتقلی کی جانب پہلا قدم، کراچی میں کیمپس انچارجز تعینات
- ججوں کے الزامات پر تحقیقات کیلئے سپریم کورٹ کی کمیٹی تشکیل دی جائے، پاکستان بار کونسل
- بشری بی بی خوش قسمت، بیڈ روم میں مزے سے شہد کھا کر قید کاٹ رہی ہیں، عظمیٰ بخاری
- جرمنی میں موٹروے پر بس کے خوفناک حادثے میں 5 افراد ہلاک
- اروند کیجریوال کی گرفتاری سے متعلق امریکی بیان پر بھارت کا شدید ردعمل
- سندھ میں اسمگل شدہ اسلحے کے لائسنس جاری ہونے کا انکشاف
دنیا بھرمیں بسنے والے سکھوں کے لئے پاکستان کا ایک اور تحفہ
لاہور: شکار پور میں 200 سال پرانے گوردوارہ صاحب کی بحالی کا90 فیصدکام مکمل کرلیا گیا ہے۔
شکارپورسندھ میں واقع سکھوں کے 200 سال پرانے تاریخی گوردوارے پہلی پادشاہی سچکھنڈ صاحب کی آرائش وتزئین اوربحالی کا کام تکمیل کے آخری مراحل میں پہنچ گیا۔
فروری 2022 میں گوردوارہ صاحب کو کھولے جانے کاامکان ہے، سکھ مذہب کے بانی باباگورونانک دیوجی نے مختلف ممالک کے سفرکے دوران یہاں قیام کیاتھا۔
باباگورونانک جی سے منسوب گوردوارہ سچ کھنڈصاحب کی کارسیوا اورآرائش وتزئین کاکام اکتوبر2020 میں شروع کیا گیا تھا،یہ پاکستان سکھ گوردوارہ پربندھک کمیٹی کے سیکرٹری جنرل سردارویکاس سنگھ کو کارسیواکی ذمہ داری سونپی گئی تھی۔
گوردوارہ صاحب کی آرائش وتزئین اوربحالی کے لئے 20 لاکھ روپے متروکہ وقف املاک بورڈ جبکہ 20 لاکھ روپے پاکستان سکھ گوردوارہ پربندھک کمیٹی نے دیئے ہیں جبکہ دیگرسکھ سنگتوں نے بھی اس کارسیوامیں حصہ لیا ہے۔
سردارویکاس سنگھ نے بتایا کہ گورودارہ صاحب کی دومنزلہ عمارت کی بحالی سمیت دیگرتعمیراتی کام مکمل ہوگیاہے اور رنگ وروغن کاکام شروع کیاجائیگا۔
انہوں نے بتایا کہ باباگورونانک دیوجی نے زندگی کے ابتدائی برسوں میں مختلف ممالک کاسفرکیا۔ اس دوران انہوں نے یہاں قیام کیا تھا اسی وجہ سے اس گوردوارہ صاحب کو پہلی پادشاہی سچ کھنڈصاحب کہاجاتا ہے۔ مہاراجہ رنجیت سنگھ نے اٹھارویں صدی کے اوائل میں یہ گوردوارہ صاحب تعمیرکروایاتھا۔
انہوں نے بتایا کہ گوردوارہ صاحب کی پرانی اورقدیم عمارت کاجوحصہ موجود تھااسے اسی طرح بحال کیاگیاہے۔ انہوں نے کہا گوردوارہ صاحب کی تعمیر،کھڑکیاں،دروازوں کے ڈیزائن میں سکھ رسم ورواج کوسامنے رکھا گیاہے۔
پاکستان سکھ گوردوارہ پربندھک کمیٹی کے سربراہ سردارامیرسنگھ نے ایکسپریس ٹربیون سے بات کرتے ہوئے کہا فروری 2020 میں گوردوارہ صاحب کوسنگتوں کے لئے کھول دیا جائیگا۔
افتتاحی تقریب کے لئے شری اکال تخت صاحب کے جتھے دار گیانی ہرپریت سنگھ کودعوت دی گئی ہے۔ وہ فروری میں ساکہ ننکانہ صاحب کی تقریبات میں شرکت کے لئے پاکستان آئیں گے۔اس موقع پروہ اس تاریخی گوردوارے کابھی افتتاح کریں گے۔
سردارامیرسنگھ نے کہا ہم وزیراعظم عمران خان سے درخواست کریں گے کہ بھارتی سکھ یاتریوں کو سندھ میں موجود گوردواروں کے درشن کی بھی اجازت دی جائے،بھارت کے ساتھ مذہبی یاتراکے معاہدے میں بھارتی سکھوں کوصرف پنجاب میں موجود اہم گوردواروں کے درشن کی اجازت ہے، اگربھارتی سکھوں کو سندھ میں موجود گوردواروں کی بھی اجازت دی جاتی ہے تواس سے دنیابھرمیں پاکستان کے اقدام کوسراہاجائیگااورکرتارپور کوریڈروکے بعد سکھوں کے لئے یہ دوسرابڑا تحفہ ہوگا
واضح رہے کہ متروکہ وقف املاک بورڈ کے ایڈیشنل سیکرٹری راناشاہد اور ڈپٹی سیکرٹری عمران گوندل بھی گوردوارہ سچ کھنڈصاحب کا دورہ کرچکے ہیں اوانہوں نے یہاں ہونیوالے تعمیراتی کام کوسراہتے ہوئے سکھ سنگتوں کومبارکباددی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔