لڑکیوں پر تشدد اور برہنہ ویڈیوز اسکینڈل؛ پولیس نے تحقیقات مکمل کرلیں

 کوئٹہ: ڈی آئی جی کوئٹہ کا کہنا ہے کہ لڑکیوں سے متعلق نازیبا ویڈیو اسکینڈل کی تحقیقات مکمل کرلی گئی ہیں۔

ڈی آئی جی کوئٹہ فدا حسن کے مطابق لڑکیوں کے نازیبا ویڈیو اسکینڈل کی تمام تحقیقات مکمل کرلی گئی ہیں، ویڈیو اسکینڈل میں ملوث تیسرا ملزم تاحال فرار ہے جس کی گرفتاری کے لیے چھاپے مارے جارہے ہیں اور بہت جلد ملزم کو گرفتار کرلیا جائے گا۔

اس خبر کو بھی پڑھیں : کوئٹہ میں لڑکیوں پر تشدد اور برہنہ ویڈیوز بنانے کا ملزم ہدایت خلجی گرفتار

واضح رہے کہ چند روز قبل کوئٹہ میں لڑکیوں پر تشدد کرنے اور برہنہ ویڈیوز کا اسکینڈل سامنے آیا تھا جس پر پولیس نے کارروائی کرتے ہوئے اسکینڈل میں ملوث ملزمان ہدایت خلجی اور اس کے بھائی کو گرفتار کرلیا گیا تھا۔

پولیس نے ملزم کے قبضے سے لیپ ٹاپ، متعدد موبائلز اور ڈیوائسز قبضے میں لے کر ان میں سے متعدد لڑکیوں کی نازیبا ویڈیوز بھی برآمد کی تھیں۔