معمولی تلخ کلامی پر بیٹے کو فائرنگ کر کے قتل کرنے والا باپ گرفتار

 راولپنڈی: تھانہ ٹیکسلا پولیس نے معمولی تلخ کلامی پر بیٹے کو فائرنگ کر کے قتل کرنے والے باپ کو گرفتار کرلیا۔

پولیس کے مطابق تین دن قبل معمولی تلخ کلامی پر محمد عباس نے فائرنگ کر کے اپنے بیٹے بہادر خان کو قتل کر دیا تھا اور موقع سے فرار ہوگیا۔

پولیس نے مقتول کے بھائی کی مدعیت میں  مقدمہ درج کرکے تفتیش شروع کردی۔

ایس پی پوٹھو ہار رانا وہاب کا کہنا ہے کہ پولیس نے ہومین انٹیلیجنس و ٹیکنالوجی کی مدد سے ملزم کو گرفتار کرلیا جس سے مزید تفتیش جاری ہے۔

انہوں نے کہا کہ ملزم کو ٹھوس شواہد کے ساتھ چالان کر کے قرار واقعی سزا دلوائی جائے گی۔