- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
پی ایس ایل 7؛ کرکٹرز کو بے چینی سے آغاز کا انتظار
کراچی: کرکٹرز بے چینی سے پی ایس ایل کے آغازکا انتظار کرنے لگے۔
پی ایس ایل7 کا آغاز 27 جنوری کو کراچی میں ہو رہا ہے،پلیئرز عمدہ کارکردگی کیلیے پْرعزم ہیں۔ کراچی میں میڈیا سے گفتگو کرتے ہوئے فاسٹ بولر حسن علی نے کہاکہ میری کارکردگی سب کے سامنے ہے،اب پی ایس ایل7میں اچھا کھیل پیش کرنے کی کوشش کروں گا۔
حسن علی نے کہا کہ وہ لیگ میں بطورایمرجنگ پلیئر آئے، اپنی پرفارمنسکی بنیاد پر پلاٹینیم تک پہنچ جانا میرے لیے بڑی کامیابی اور اعزاز کی بات ہے،میری خواہش ہے کہ لیگ کے دوران اسٹیڈیم میں تماشائی موجود ہوں اور کھلاڑیوں کی حوصلہ افزائی کریں، شور مچاتا کراؤڈ اچھا لگتا ہے لیکن اگر کورونا حفاظتی اقدامات کے تحت تماشائی میدان میں نہ آ سکے تو وہ گھروں میں بیٹھ کر ہمیں ضرورسپورٹ کریں۔
انھوں نے کہا کہ پروفیشنل کھلاڑی کے کیریئر میں اونچ نیچ آتی رہتی ہے، اچھا پلیئر وہ ہوتا ہے جو بْرے وقت سے نکل کر عمدہ کارکردگی کا مظاہرہ کرے، ریٹائرمنٹ کا لفظ میرے لیے ابھی بہت دور ہے، مجھے ابھی بہت کرکٹ کھیلنی ہے۔
حسن علی نے کہا کہ آسٹریلوی کرکٹ ٹیم کا پاکستان آنا بھی مسرت کن ہوگا،یہ خوش آئند بات ہے کہ پاکستان میں غیر ملکی ٹیمیں آرہی ہیں، ویسٹ انڈیز سے سیریز میں کامیابی پانے سے خوشی دوبالاہوگئی تھی،امید ہے کہ آسٹریلیا کے خلاف بھی ہم اچھی کرکٹ کھیلیں گے۔
اس موقع پر آل راؤنڈر عماد وسیم نے کہاکہ ہم کراچی کنگزکے مداحوں کو مایوس نہیں کریں گے،میں نے اپنی کھوئی ہوئی فارم حاصل کرنے کیلیے بھرپور محنت کی ہے، میڈیا سے گفتگو کرتے ہوئے انھوں نے کہا کہ پی ایس ایل 7 میں بہتر کارکردگی کا مظاہرہ کرنے کی کوشش ہوگی۔
عماد وسیم نے کہا کہ بائیو سیکیور ببل سے کھلاڑیوں پر ضرور اثر پڑتا ہے،ذہنی مسائل ہوتے ہیں لیکن ملک کے وسیع تر مفاد میں برداشت کرنا پڑتا ہے، صورتحال زیادہ گھمبیر ہو جائے تو انتظامیہ کو مطلع کر دیتے ہیں، کوشش کرتے ہیں کہ اچھی کارکردگی ہو، نتیجہ اللہ کے ہاتھ میں ہوتا ہے۔
شاداب خان نے کہا کہ کوشش یہی ہے کہ اسلام آباد یونائٹیڈ چیمپئن بنے، حسن علی کو اپنی ٹیم میں لے آیا ہوں، کوشش ہے کہ روٹی گروپ کے تمام ممبران کواسلام آباد کا حصہ بنا لوں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔