- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
بالی ووڈ کے سپراسٹارز جنہوں نے چھوٹے کرداروں سے کیر یئر کی شروعات کی
ممبئی: شاہ رخ خان، عرفان خان، ودیا بالن اور آنجہانی اداکار سشانت سنگھ راجپوت محنت اور لگن کی مثال ہیں۔ ان تمام اداکاروں کا شمار آج بالی ووڈ کے سپراسٹارز میں ہوتا ہے لیکن ان سب نے اپنے کیر یئر کی شروعات چھوٹی اسکرین پر نہایت ہی چھوٹے سے کرداروں سے کی۔
شاہ رخ خان
شاہ رخ خان آج بالی ووڈ کے بادشاہ کے طور پر جانے جاتے ہیں لیکن انہوں نے اپنے کیریئر کی شروعات 1989 میں ٹی وی شو ’’فوجی‘‘ اور ’’سرکس‘‘ میں نہایت چھوٹے سے کردار سے کی تھی۔ اس وقت شاید انہیں کوئی پہچانتا بھی نہیں تھا لیکن آج شاہ رخ خان اپنی محنت اور لگن سے بالی ووڈ کے سب سے زیادہ مشہور اداکار بن چکے ہیں اور ان کے دیوانے صرف بھارت میں ہی نہیں بلکہ دنیا بھر میں موجود ہیں۔
ودیا بالن
بالی ووڈ اداکارہ ودیا بالن کو کون نہیں جانتا۔ وہ ’’کہانی‘‘،’’ڈرٹی پکچر‘‘، ’’عشقیہ‘‘ سمیت نجانے کتنی ہٹ فلموں میں کام کرچکی ہیں۔ بالی ووڈ کی اس ٹاپ اداکارہ نے بھی اپنا کیریئر 90 کی دہائی میں ٹی وی کی چھوٹی اسکرین کے ڈرامے ’’ہم پانچ‘‘ سے شروع کیا تھا۔
عرفان خان
بھارتی فلم انڈسٹری کے مرحوم اداکار عرفان خان صرف بالی ووڈ میں نہیں بلکہ ہالی ووڈ میں بھی اپنی صلاحیتوں کا جادو جگا چکے ہیں۔ بھارتی فلم انڈسٹری کے اس سپر اسٹار نے اپنے کیریئر کی شروعات’’بھارت ایک کھوج‘‘،’’چانکیا‘‘،’’سارا جہاں ہمارا‘‘ جیسے ٹی وی شوز سے کی تھی۔ لیکن کسی کو کیا پتہ تھا کہ ٹی وی پر چھوٹے چھوٹے کردار کرنے والا یہ اداکار ایک دن بالی ووڈ کا سپراسٹار بن جائے گا۔
مونی روئے
بالی ووڈ اداکارہ مونی روئے بھی کیریئر کی ابتدا میں ٹی وی کی اداکارہ تھیں۔ انہوں نے بھارتی ٹی وی کے مشہور شو ’’کیونکہ ساس بھی کبھی بہو تھی‘‘ میں ایک چھوٹے سے کردار سے اپنے کیریئر کی شروعات کی تھی۔ لیکن آج وہ بھی بالی ووڈ میں اپنے صلاحیتوں کے جوہر دکھا رہی ہیں۔
سشانت سنگھ راجپوت
بالی ووڈ کے آنجہانی اداکار سشانت سنگھ راجپوت کو اس دنیا سے گزرے ہوئے کافی عرصہ ہوگیا لیکن وہ آج بھی اپنے چاہنے والوں کے دلوں میں بستے ہیں۔ کئی ہٹ فلموں میں کام کرنے والے سشانت سنگھ راجپوت نے اپنے کیریئر کا آغاز ٹی وی ڈرامے’’کس دیش میں ہے میرا دل‘‘ میں ایک چھوٹے سے کردار سے کیا تھا۔
آیوشمان کھرانا
آیوشمان کھرانا کا نام بھی آج بالی ووڈ کے بڑے ستارے کے طور پر لیا جاتا ہے۔ تاہم انہوں نے اپنے کیریئر کی ابتدا ٹی وی پر مختلف شوز میں بطور اینکر اور میزبان کے کی تھی۔ بعد ازاں انہیں فلم ’’وکی ڈونر‘‘ میں مرکزی کردار ادا کرنے کا موقع ملا جس کے بعد انہوں نے پیچھے مڑ کر نہیں دیکھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔