سیالکوٹ میں گھریلو رنجش پر بدبخت بیٹے نے باپ کو قتل کردیا

ویب ڈیسک  پير 17 جنوری 2022
مقتول شادی ہال کا مالک تھا، جس کا گھر واپس آنے کے بعد بیٹے سے جھگڑا ہوا، پولیس (فائل فوٹو)

مقتول شادی ہال کا مالک تھا، جس کا گھر واپس آنے کے بعد بیٹے سے جھگڑا ہوا، پولیس (فائل فوٹو)

سیالکوٹ: سیالکوٹ کے علاقے حاجی پورہ میں گھریلو رنجش پر بدبخت بیٹے نے والد کو قتل کردیا۔

ایکسپریس نیوز کے مطابق سیالکوٹ کے تھانہ حاجی پورہ کی حدود میں والد کو قتل کرنے والے سفاک بیٹے کو پولیس نے گرفتار کرلیا جس کی شناخت دائم کے نام سے ہوئی۔ پولیس حکام کے مطابق ملزم نے دو روز قبل اپنے والد ندیم کو قتل کیا تھا۔

اہل خانہ کے مطابق مقتول شادی ہال کا مالک تھا، ندیم کا بیٹے سے گھر میں جھگڑا ہوا جس کے بعد اُس نے بھاگ کر جان بچانے کی کوشش بھی کی مگر بیٹے نے گلی میں آکر فائرنگ کردی۔

پولیس نے مقتول کے والد کی مدعیت میں مقدمہ اندراج اور سی سی ٹی وی فوٹیج کی روشنی میں دائم کو گرفتار کر کے قانونی کارروائی کا آغاز کردیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔