- صحافی کے سوالات پرعمران خان سیخ پا؛ پریس کانفرنس چھوڑ کر چلےگئے
- دودھ خریدنے کیلئے دکان پر آنے والا شخص اچانک کروڑ پتی بن گیا
- ڈی سیٹ کا معاملہ؛ ترین گروپ کا الیکشن کمیشن کا فیصلہ سپریم کورٹ میں چیلنج کرنے کا فیصلہ
- کراچی میں فوم کے گودام میں خوفناک آتشزدگی سے بھاری مالیت کا سامان جل کر خاکستر
- شہباز تتلہ کیس میں ایس ایس پی مفخر عدیل کو عمر قید کی سزا
- حالیہ ہفتے 23 اشیائے ضروریہ مہنگی ہوئیں، ادارہ شماریات
- اداروں کے خلاف ہرزہ سرائی کیس میں ایمان مزاری کو شامل تفتیش ہونے کی ہدایت
- پٹرول کی قیمت میں اضافے کا ذمہ دار عمران خان ہے، مریم اورنگزیب
- جعلی ویزے پر جرمنی جانے والا مسافر کراچی ایئرپورٹ پر گرفتار
- بلوچستان بلدیاتی انتخابات، الیکشن مہم پر رات 12 بجے کے بعد پابندی عائد
- شہباز شریف آئندہ ہفتے ترکی کا دورہ کریں گے، دفتر خارجہ
- پیٹرولیم مصنوعات کی قیمتوں میں اضافہ، ڈالر کی پیش قدمی رک گئی
- جیوانی سے پکڑی گئی مچھلی ایک کروڑ35 لاکھ 80 ہزارروپے میں نیلام
- بھارت میں فوجی ٹرک دریا میں گرنے سے 7 اہلکار ہلاک اور متعدد زخمی
- نیوزی لینڈ کی وزیراعظم کا بے نظیر بھٹو کو خراج تحسین
- مقامی مارکیٹوں میں فی تولہ سونے کی قیمت میں 2100 روپے کمی
- 70 سالہ پاکستانی نے ہاتھوں سے سیب توڑنے کا عالمی ریکارڈ اپنے نام کرلیا
- گہرے زخموں کی ’حیاتیاتی ویلڈنگ‘ کرنے والے ٹیکنالوجی وضع کرلی گئی
- چلنے اور شکل یاد رکھنے والا دنیا کا سب سے چھوٹا روبوٹ
- ملکہ برطانیہ کی پلاٹینیئم جوبلی پر 15 کلو سونے کا دیدہ زیب سکہ تیار
پاکستانی اسٹارز نے بگ بیش کو الوداع کہہ دیا

پاکستان بورڈ اجازت نامہ منسوخ کرنے کی تصدیق کرچکا، بیٹر خود بھی مایوس ہیں، کلب۔ فوٹو: ٹوئٹر
کراچی: پاکستانی اسٹارز نے بگ بیش کو الوداع کہہ دیا جب کہ پی سی بی کے حکم پر آسٹریلیا سے وطن واپس لوٹنے لگے۔
پاکستان سپر لیگ کا آغاز 27 جنوری سے ہورہا ہے، جس کی وجہ سے پی سی بی نے آسٹریلیا میں بگ بیش لیگ کھیلنے کیلیے موجود اپنے اسٹار پلیئرز کو واپس طلب کرلیا ہے، شاداب خان پہلے ہی واپس لوٹ چکے ہیں جبکہ باقی پلیئرز نے بھی بگ بیش کو الوداع کہہ دیا ہے، ان میں فخر زمان، حارث رؤف، محمد حسنین، احمد دانیال اور سید فریدون بھی شامل ہیں۔
چند پاکستانی سپر اسٹارز کے چلے آنے سے خاص طور پر میلبورن اسٹارز، برسبین ہیٹ اور سڈنی سکسرز کو اپنے اہم کھلاڑیوں کی خدمات سے محروم ہونا پڑا ہے۔ ان میں سے خاص طور پر برسبین ہیٹ فخر کی دستبرداری کی وجہ سے کافی ناراض دکھائی دیتی ہے جن کی خدمات اس نے 31 دسمبر کو اپنے ایک انجرڈ پلیئر ٹام ایبیل کے متبادل کے طور پر حاصل کی تھیں مگر وہ کوویڈ ایشوز اور سفری پابندیوں کی وجہ سے اس کلب کی جانب سے صرف ایک ہی میچ کھیل پائے۔
برسبین ہیٹ کی جانب سے جاری ہونے والے اعلامیہ میں کہا گیا ہے کہ بدقسمتی سے پاکستان کرکٹ بورڈ نے تصدیق کردی ہے کہ اس نے فخر کے ہمارے لیے مزید کھیلنے کا اجازت نامہ منسوخ کردیا ہے، ان کے ساتھ بگ بیش میں شریک باقی پاکستانی پلیئرز کو بھی واپس بلالیا ہے تاکہ وہ فوری طور پر وطن لوٹ کر پاکستان سپر لیگ کیلیے تیار ہوسکیں، ہمیں اس بات پر کافی مایوسی ہے کہ فخر ہمارے لیے زیادہ نہیں کھیل سکے، وہ خود بھی کافی مایوس ہیں کہ انھیں ہمارے لیے زیادہ میچز کھیلنے کا موقع نہیں ملا، انھوں نے ہمیں کہا ہے کہ ان کی جانب سے شائقین کا سپورٹ کرنے پر شکریہ ادا کریں، فخر نے باقی 3 میچز کیلیے نیک خواہشات کا بھی اظہار کیا ہے۔
حارث رؤف نے ہفتے کے روز ہی سوشل میڈیا پر تصدیق کی تھی کہ وہ میلبورن اسٹارز کو ان کے آخری 2 میچز سے قبل چھوڑ کر جارہے ہیں۔ شاداب خان پہلے ہی سڈنی سکسرز کو چھوڑ کر واپس لوٹ چکے ہیں، وہ سکسرز کی تھنڈر پر فتح کا حصہ نہیں تھے۔
آسٹریلیا سے لوٹنے والے تمام پلیئرز اب اپنی متعلقہ فرنچائزز میں باقی کھلاڑیوں کو جوائن کرکے پی ایس ایل کے ساتویں ایڈیشن کی تیاری کریں گے جوکہ 27 جنوری سے شروع ہورہا ہے، پلیئرز اپنی لیگ کے حوالے سے کافی پرجوش اور اس میں عمدہ کارکردگی کیلیے پراعتماد ہیں۔
دوسری جانب بگ بیش ٹیم ایڈیلیڈ اسٹرائیکرز افغان اسپن اسٹار راشد خان کی خدمات سے بھی محروم ہوگئے ہیں جنھیں قومی ڈیوٹی پر طلب کیا گیا ہے، وہ 21 جنوری سے نیدرلینڈز کے خلاف شروع ہونے والی 3 ون ڈے میچز کی سیریز میں افغانستان کی نمائندگی کریں گے۔
برسبین ہیٹ کو بہرحال مائیکل نیسیر اور مچل سویپسن کی واپسی سے کچھ تقویت ملی ہیجبکہ مچل مارش اور جوش انگلس کو پہلے ہی ٹیسٹ اسکواڈ سے ریلیز کیا جاچکا ہے، وہ بگ بیش ٹیم پرتھ اسکورچرز کو جوائن کرچکے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔