پرویز خٹک کی ایبٹ آباد کے لوگوں کو بدتمیز کہنے کی تردید

 پشاور: وفاقی وزیر دفاع پرویز خٹک نےایبٹ آباد کے لوگوں کو بدتمیز کہنے کی تردید کرتےہوئے کہا کہ بیان توڑ موڑ کر پیش کیا گیا ایبٹ آباد والوں کو بدتمیز نہیں کہا۔

اسپیکر اسمبلی خیبرپختون خوا مشتاق احمد غنی نے رکن قومی اسمبلی علی خان جدون، اراکین خیبر پختونخوا اسمبلی قلندر خان لودھی اور نذیر عباسی کے ہمراہ پاکستان تحریک انصاف خیبر پختونخواہ کے صدر اور وزیر دفاع پرویز خٹک سے ملاقات کی اور گزشتہ دنوں ایبٹ آباد میں منعقد کیے گئے ورکرز کنونشن کے حوالے سے اہلیان ایبٹ آباد کے تحفظات سے آگاہ کیا۔

ویسے میں "ایبٹ آباد" کے لوگوں سے بہت متاثر ہوا ہوں بدتمیزی میں آپ لوگ نمبر 1 ہیں۔وزیر دفاع پرویز خٹک۔
اس کے بعد بلدیاتی انتخابات کے دوسرے مرحلے میں تحریک انصاف ہزارہ ڈویژن بالعموم ایبٹ آباد بالخصوص کلین سویپ کرے گی۔ pic.twitter.com/vitmo1wd1T

— Syed Sammer Abbas (سید ثمر عباس) (@SammerAbbas) January 6, 2022

اس موقع پر وفاقی وزیر دفاع پرویز خٹک کا کہنا تھا کہ ان کے بیان کو توڑ موڑ کر پیش کیا گیا اور ان کے خلاف سوچا سمجھا پروپیگنڈا کیا گیا۔

میرے ایبٹ آباد ورکرز کنونشن کے بیان کو توڑ مروڑ کر پیش کیا گیا۔ پرویز خٹک

میں نے ایسا بالکل بھی نہیں کہا کہ ایبٹ آباد کے لوگ بدتمیز ہیں۔ ایبٹ آباد کے لوگ تہذیب یافتہ اور پڑھے لکھے ہیں۔ وزیر دفاع

ہزارہ ایبٹ آباد کی عوام سے گزارش ہے کہ ایسی افواہوں پر کان نہ دھریں۔ وزیر دفاع pic.twitter.com/O600i8rgMe

— The Pakistan Daily (@ThePakDaily) January 19, 2022

وزیر دفاع نے کہا کہ میں نے ایسا بالکل بھی نہیں کہا کہ ایبٹ آباد کے لوگ بدتمیز ہیں، ایبٹ آباد کے لوگ تہذیب یافتہ اور پڑھے لکھے ہیں، میرے بیشتر عزیز و اقارب اور دوستوں کا تعلق ایبٹ آباد سے ہیں۔ ان کا کہنا تھا کہ میری ہزارہ ایبٹ آباد کی عوام سے گزارش ہے کہ ایسے پروپیگنڈے پر کان نہ دھریں۔