بریڈ ہوج کا حسنین پر طنز کرنے والے ہینرکس پر پابندی لگانے کا مطالبہ

اسپورٹس رپورٹر  جمعـء 21 جنوری 2022
سوشل میڈیا پر آسٹریلوی بیٹر کو سخت تنقید کا سامنا اور پابندی کا مطالبہ زور پکڑ رہا ہے فوٹو : فائل

سوشل میڈیا پر آسٹریلوی بیٹر کو سخت تنقید کا سامنا اور پابندی کا مطالبہ زور پکڑ رہا ہے فوٹو : فائل

 لاہور: سابق آسٹریلوی کرکٹر بریڈہوج نے محمد حسنین پر طنز کرنے والے موئسز ہینرکس پر پابندی لگانے کا مطالبہ کردیا۔

بگ بیش لیگ میچ میں پاکستانی پیسر کے جارحانہ باؤنسر پر آسٹریلوی بیٹر نے چکنگ کا الزام عائد کرتے ہوئے طنزیہ انداز میں کہا تھا ’’اچھی تھرو کی ہے‘‘، بعد ازاں محمد حسنین کا بولنگ ایکشن رپورٹ ہوگیا، اس واقعے پر ردعمل میں بریڈ ہوج نے کہا کہ موئسز ہینریکس نے فیلڈ میں جو رویہ اختیار کیا ان پر پابندی لگنی چاہیے۔

انہوں نے کھیل کی روح کے منافی کام کیا۔ سوشل میڈیا پر آسٹریلوی بیٹر کو سخت تنقید کا سامنا اور پابندی کا مطالبہ زور پکڑ رہا ہے، دوسری جانب کرکٹ آسٹریلیا نے خاموشی اختیار کر رکھی ہے،البتہ یہ ضرور کہاکہ محمد حسنین کے لاہور میں ہونے والے بائیومکینکس ٹیسٹ کی رپورٹ کا جائزہ لیں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔