- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
نان ایکسپورٹ انڈسٹری کی گیس بندش کے خلاف دائر درخواستوں پر سندھ ہائی کورٹ کا فیصلہ محفوظ
کراچی: سندھ ہائیکورٹ نے نان ایکسپورٹ انڈسٹری کو گیس کی بندش کے خلاف دائر درخواستوں پر ایڈیشنل اٹارنی جنرل اور دیگر فریقین کے دلائل مکمل ہونے پر فیصلہ محفوظ کرلیا ہے۔
ایکسپریس نیوز کے مطابق سندھ ہائیکورٹ میں نان ایکسپورٹ انڈسٹری کو گیس کی بندش کے خلاف دائر درخواستوں کی سماعت ہوئی، جس میں عدالت نے فریقین کے دلائل مکمل ہونے پر فیصلہ محفوظ کیا اور حکم امتناع تحریری فیصلہ جاری ہونے تک برقرار رکھا۔
ایڈیشنل اٹارنی جنرل کاشف پراچہ نے دلائل دیتے ہوئے کہا کہ نان ایکسپورٹ انڈسٹری کی گیس پہلی دفعہ بند نہیں کی جارہی۔ ہر سال اسی طرح نان ایکسپورٹ انڈسٹری کو گیس بند کی جاتی ہے۔ موسم سرما میں گیس فراہمی کی پہلی ترجیح گھریلو صارفین ہوتے ہیں۔
عدالت نے استفسار کیا کہ حکومت نے اپنی گیس منجمنٹ پالیسی میں کہا ہے کہ ہفتے میں 6 دن روٹیشن پالیسی کے تحت گیس فراہم کی جائے گی؟ کاشف پراچہ نے دلائل میں کہا کہ درخواست گزاروں کو درخواست دائر کرنے کا اختیار نہیں ہے، ہفتہ وار بنیادوں پر گیس کی صورت حال کا جائزہ لیا جاتا ہے۔
انہوں نے کہا کہ جہاں طلب کم ہوتی ہے پھر وہاں کی گیس کو دیگر جگہوں پر ایڈجیسٹ کیا جاتا ہے، ہر سال گیس 10 سے 15 فیصد کم ہوتی جارہی ہے، جس کی وجہ سے قلت کا سامنا کرنا پڑ رہا ہے۔
ہائی کورٹ نے استفسار کیا کہ درخواست گزاروں کا اعتراض ہے کہ پنجاب انڈسٹری کی گیس بند نہیں کی گئی؟ ایڈیشنل اٹارنی جنرل نے اس پر معزز جج کو آگاہ کیا کہ پنجاب کو ایل این جی سپلائی کی جارہی ہے انہیں بھی کریں گے البتہ اُس کی قیمتیں زیادہ ہیں۔
ایڈیشنل اٹارنی جنرل اور دیگر فریقین کے دلائل مکمل کرلیے، جس کے بعد عدالت نے فیصلہ محفوظ کرتے ہوئے نان ایکسپورٹ انڈسٹری کو گیس بند کرنے سے متعلق جاری حکم امتناع برقرار رکھا۔
درخواست گزاروں کے وکیل نے موقف اپنایا کہ سندھ 70 فیصد گیس پیدا کررہا ہے، نان ایکسپورٹ انڈسٹری کو گیس بند کرنے سے امپورٹ میں اضافہ ہوجائے گا اور ہزاروں لوگ بے روز گار ہوجائیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔