مری میں برفباری کا آغاز ہوتے ہی انتظامیہ متحرک

ویب ڈیسک  ہفتہ 22 جنوری 2022
کسی بھی ناخوشگوار واقعے کی روم تھام کے لیے کنٹرول روم قائم (فوٹو:فائل)

کسی بھی ناخوشگوار واقعے کی روم تھام کے لیے کنٹرول روم قائم (فوٹو:فائل)

 اسلام آباد: مری میں چند روز وقفے کے بعد ایک بار پھر سے برفباری شروع ہوگئی جس کے پیش نظر انتظامیہ نے کسی بھی ناخوشگوار واقعے کی روم تھام کے لیے کنٹرول روم قائم کردیا ہے۔

ایکسپریس نیوز کے مطابق مری میں ایک بار پھر برفباری کا آغاز ہوگیا ہے جس کے بعد انتظامیہ نے جناح ہال میں کنٹرول روم قائم کرکے تمام محکموں کو الرٹ رہنے کا حکم دے دیا ہے تاکہ ماضی کی طرح کوئی افسوس ناک واقعہ رونما نہ ہو۔

مری میں برفباری کا سلسلہ شروع ہوتے ہی سیاح  بھی خوشی سے جھوم اٹھے۔

اُدھر کمشنر راولپنڈی نورالامین مینگل اورنوتعینات ڈپٹی کمشنر راولپنڈی طاہرفاروق برفباری کے بعد انتظامات کا جائزہ لینے مری پہنچے جہاں انہوں نے کنٹرول روم قائم کیا۔

انتظامی حکام نے تمام محکموں اور اُن کے افسران و ملازمین کو الرٹ رہنے کی ہدایت کردی ہے۔ دوسری جانب محکمہ موسمیات نے اگلے دوروز تک مری میں برفباری جاری رہنے کی پیش گوئی کی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔