- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
آپ کا پروفائل کس نے دیکھا ہے؛ ٹک ٹاک جلد ہی یہ بھی بتائے گا
بیجنگ: خود کو تیزی سے تبدیل کرتی ہوئی مختصر ویڈیو کے پلیٹ فارم ٹک ٹاک نے ایک نئے آپشن کی آزمائش شروع کردی ہے جس کے تحت لوگ آپ کا پروفائل دیکھیں گے تو علم ہوجائے گا کہ کس کس نے آپ کا پروفائل دیکھا ہے۔
ایپ کی سہولت کے تحت گزشتہ 30 دن میں جس نے بھی آپ کی تفصیلات کو دیکھا ہوگا اس کا علم آپ کو ہوجائے گا یعنی ایک ماہ تک کا ریکارڈ اس پر دیکھا جاسکتا ہے۔ اس کا مقصد غالباً یہ ہوسکتا ہے کہ صارفین کی درست معلومات اور ان کے شفاف پروفائل کو یقینی بنایا جاسکے۔
مختلف ایپ پر تحقیق کرنے والے کیوو ایڈریانو نے اس کی خبر دیتے ہوئے کہا کہ اس سے صارفین جان سکیں گے کہ ان کا پروفائل کس نے اورکب دیکھا ہے جبکہ دیگر تفصیلات بھی معلوم کی جاسکیں گی۔
دوسری جانب اس سے یکساں شوق اور دلچسپی رکھنے والے افراد ایک دوسرے کے قریب آسکیں گے اور باہمی روابط قائم کرسکیں گے۔ اس سے لوگ ٹویٹر کی طرح ایک دوسرے کو فالو بھی کرسکیں گے۔ اگرچہ ٹک ٹاک اس آپشن کو ایک سال قبل بند کرچکا ہے کیونکہ اس سے بعض مشہور شخصیات کو الجھن ہورہی تھی۔ وجہ یہ ہے کہ بعض افراد سوشل میڈیا پر دوسروں کے پروفائل اور ذاتی معلومات میں جھانکنا پسند کرتے ہیں۔
ٹک ٹاک نے ابھی تک اس آپشن کی کوئی تفصیل نہیں دی ہے لیکن شاید اس کا اثر لنکڈ ان کی طرح ہوسکتا ہے جس میں ہم خیال لوگ ایک حلقہ اور روابط بناتے ہیں اور اس میں توسیع ہوتی جاتی ہے۔ لیکن تجزیہ کاروں کے مطابق اس کا ٹک ٹاک کو کوئی خاص فائدہ نہیں ہوگا۔ لیکن شاید ٹک ٹاک انفلوئنسر اور دیگر افراد کے لئے یہ آپشن پیش کرنا چاہتا ہے جو اپنی پوسٹ کا اثر دیکھنا چاہتے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔