کوئٹہ گلیڈی ایٹرز کو دھچکا؛ شاہد آفریدی پی ایس ایل کے ابتدائی میچز سے باہر

اسپورٹس رپورٹر  بدھ 26 جنوری 2022
شاہد آفریدی کمر کی تکلیف میں مبتلا ہیں ۔ فوٹو : فائل

شاہد آفریدی کمر کی تکلیف میں مبتلا ہیں ۔ فوٹو : فائل

 کراچی:  کوئٹہ گلیڈی ایٹرز کو بڑا دھچکا لگا ہے، ممتاز آل راؤنڈر شاہد آفریدی ایچ بی ایل پی ایس ایل کے ابتدائی میچز سے باہر ہوگئے ہیں۔

آل راؤنڈر شاہد خان آفریدی ایچ بی ایل پاکستان سپر لیگ کے ابتدائی میچز سے باہر ہوگئے، وہ کمر کی تکلیف میں مبتلا ہیں، آل راؤنڈر  ابتدائی میچز میں شرکت نہیں کر سکیں گے، انہیں کوئٹہ گلیڈی ایٹرز کی نمائندگی کرنی تھی۔

ذرائع کے مطابق شاہد آفریدی  کی قریبی عزیزہ کا بھی انتقال ہوگیا ہے، وہ مرحومہ کی آخری رسومات میں شرکت کریں گے، بعد ازاں شاہد آفریدی اسپتال سے ضروری چیک اپ بھی کروائیں گے۔

واضح رہے کہ شاہد آفریدی  کو گزشتہ شب  نیشنل اسٹیڈیم میں دوران پریکٹس  کمر میں تکلیف محسوس ہوٸی تھی، لیگ میں شرکت کے لیے  دوبارہ واپس  آنے کے بعد ان کو سہ روزہ آئسولیشن مکمل کرنا ہوگی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔