پی ایس ایل 7: اسٹیڈیم میں 12 سال سے کم عمر بچوں کو داخلے سے روک دیا گیا

 کراچی: پاکستان سپر لیگ 7 میں پشاور زلمی اور کوئٹہ گلیڈی ایٹرز کا میچ دیکھنے کے لیے آنے والے 12 سال سے کم عمر بچوں کو نیشنل اسٹیڈیم کے باہر روک دیا گیا۔

ایکسپریس نیوز کے مطابق 12 سال سے کم عمر بچوں کے اسٹیڈیم میں داخلے پر پابندی کی وجہ سے کئی والدین اپنے بچوں کے ہمراہ گراؤنڈ کے باہر جمع ہوگئے۔

بچوں کے ہمراہ اسٹیڈیم کے باہر موجود افراد میں کوئٹہ سے آیا ہوا خاندان بھی شامل ہے۔

🚨 Important Announcement 🚨 #HBLPSL7 l #LevelHai l #QGvPZ pic.twitter.com/FQ0Pota4Ue

— PakistanSuperLeague (@thePSLt20) January 28, 2022

شائقین کرکٹ نے مایوسی کا اظہار کرتے ہوئے کہا کہ ہمیں اسٹیڈیم میں داخل ہونے نہیں دیا جارہا، میچ دیکھنے کے لیے بچوں کو کہاں چھوڑ کر آئیں؟۔

پاکستان کرکٹ بورڈ(پی سی بی) کا کہنا ہے کہ نیشنل کمانڈ اینڈ آپریشن سینٹر(این سی او سی) نے بارہ سال سے کم عمر بچوں کو اسٹیڈیم میں آنے کی اجازت نہیں دی ہے۔