ضلع وسطی سے 2 ماہ میں غیر قانونی تعمیرات ختم کرانے کا حکم

ایس بی سی اے نے رپورٹ میں کہا تھاکہ گراؤنڈ پلس6منزلہ عمارت کی تعمیربغیراجازت کی جارہی ہے،درخواست گزار ۔ فوٹو : فائل

---

UNITED NATIONS: عدالت نے ضلع وسطی میں اجازت کے بغیر6 منزلہ عمارت کی تعمیر سے متعلق درخواست پر2 ماہ میں تعمیرات ختم کرنے، بلڈر اور تعینات ایس بی سی اے افسران کے خلاف مقدمہ درج کرنے کا حکم دے دیا۔

سندھ ہائی کورٹ میں ضلع وسطی میں اجازت کے بغیر 6 منزلہ عمارت کی تعمیرکے خلاف درخواست کی سماعت ہوئی، درخواست گزار کے وکیل نے موقف دیا کہ ایس بی سی اے نے اپنی رپورٹ میں انکشاف کیا تھاکہ گراؤنڈ پلس 6 منزلہ عمارت کی تعمیر بغیر اجازت کی جارہی ہے، عدالت نے غیر قانونی کے خلاف کارروائی جاری رکھنے کا حکم دے دیا جب کہ عدالت نے غیر قانونی تعمیرات میں ملوث بلڈر کے خلاف مقدمہ درج کرنے کا حکم بھی دے دیا۔

عدالت نے ریمارکس دیے کہ بلڈنگ کی تعمیر کے دوران علاقے میں تعینات ایس بی سی اے افسران کے خلاف بھی مقدمہ درج کرایا جائے، عدالت ایس بی سی اے 2 ماہ میں غیرقانونی تعمیرات ختم کرانے اور آئندہ سماعت پر ایس بی سی اے کو رپورٹ پیش کرنے کا حکم دے دیا۔