- غزہ کے اسپتالوں میں اجتماعی قبروں نے اقوام متحدہ کو بھی خوفزدہ کردیا
- ایکس کی اسمارٹ ٹی وی ایپ متعارف کرانے کی تیاری
- جوائن کرنے کے چند ماہ بعد ہی اکثر لوگ ملازمت کیوں چھوڑ دیتے ہیں؟
- لڑکی کا پیار جنون میں تبدیل، بوائے فرینڈ نے خوف کے مارے پولیس کو مطلع کردیا
- تاجروں کی وزیراعظم کو عمران خان سے بات چیت کرنے کی تجویز
- سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
- امریکی یونیورسٹیز میں اسرائیل کیخلاف ہزاروں طلبہ کا مظاہرہ، درجنوں گرفتار
- نکاح نامے میں ابہام یا شک کا فائدہ بیوی کو دیا جائےگا، سپریم کورٹ
- نند کو تحفہ دینے کا سوچنے پر ناراض بیوی نے شوہر کو قتل کردیا
- نیب کا قومی اسمبلی سیکریٹریٹ میں غیر قانونی بھرتیوں کا نوٹس
- رضوان کی انجری سے متعلق بڑی خبر سامنے آگئی
- بولتے حروف
- بغیر اجازت دوسری شادی؛ تین ماہ قید کی سزا معطل کرنے کا حکم
- شیر افضل کے بجائے حامد رضا چیئرمین پبلک اکاؤنٹس کمیٹی نامزد
- بیوی سے پریشان ہو کر خودکشی کا ڈرامہ کرنے والا شوہر زیر حراست
- 'امن کی سرحد' کو 'خوشحالی کی سرحد' میں تبدیل کریں گے، پاک ایران مشترکہ اعلامیہ
- وزیراعظم کا کراچی کے لیے 150 بسیں دینے کا اعلان
- آئی سی سی رینکنگ؛ بابراعظم کو دھچکا، شاہین کی 3 درجہ ترقی
- عالمی و مقامی مارکیٹ میں سونے کی قیمت میں اضافہ
- سویلین کا ٹرائل؛ لارجر بینچ کیلیے معاملہ پھر پریکٹس اینڈ پروسیجر کمیٹی کو بھیج دیا گیا
کوئٹہ گلیڈی ایٹرز نے کراچی کنگز کو باآسانی شکست دے دی
کراچی: پاکستان سپرلیگ 7 کے چوتھے میچ میں کوئٹہ گلیڈی ایٹرز نے کراچی کنگز کو باآسانی 8 وکٹوں سے شکست دے کر پوائنٹس ٹیبل پر اپنا کھاتہ کھول دیا۔
کراچی کے نیشنل اسٹیڈیم میں کوئٹہ گلیڈی ایٹرز اور کراچی کنگز کے درمیان ایچ بی ایل پی ایس ایل 7 کا چوتھا میچ کھیلا گیا، جس میں گلیڈی ایٹرز نے ٹاس جیت پر کراچی کنگز کو پہلے بیٹنگ کی دعوت دی۔
کراچی کنگز اننگز کے آغاز سے ہی گلیڈی ایٹرز کے بولرز کا مقابلہ کرنے میں مشکلات کا شکار نظر آئی اور کپتان بابر اعظم کے علاوہ کوئی بھی کھلاڑی زیادہ دیر تک وکٹ پر رُک نہ سکا۔
بابرالیون 113 پر ڈھیر ہوئی اور گلیڈی ایٹرز کو جیت کے لیے 114 کا ہدف دیا، جسے گلیڈی ایٹرز نے دو وکٹوں کے نقصان پر 15.5 اوورز میں ہی حاصل کرلی۔
کراچی کنگز اننگز
کراچی کنگز کی جانب سے کپتان بابراعظم اور شرجیل خان نے بیٹنگ کا آغاز کیا تاہم شرجیل خان صرف 10 رنز بنا کرسہیل تنویر کا شکار ہوئے، یوں بابر الیون کو 16 کے مجموعی اسکور پر پہلے نقصان کا سامنا کرنا پڑا۔
Another man down and @iNaseemShah gets his fourth! #HBLPSL7 l #LevelHai l #QGvKK pic.twitter.com/NZCN8Jhb2d
— PakistanSuperLeague (@thePSLt20) January 29, 2022
سہیل تنویر نے تیسرے اوور کی تیسری گیند پر جوئے کلارک کو 2 کے انفرادی اسکور پر آؤٹ کیا تو کنگز کے ابتدائی دو بلے باز 18 رنز پر پویلین لوٹے، بعد ازاں نئے آنے والے کھلاڑی ٹم لیمونبی کو نسیم شاہ 3 رنز پر پویلین کی جانب روانہ کیا، اگلی ہی گیند پر انہوں نے محمد نبی کو بھی صفر پر آؤٹ کیا۔
Naseem Shah breathing fire 🔥 #HBLPSL7 l #LevelHai l #QGvKK pic.twitter.com/ruMBaOnkDZ
— PakistanSuperLeague (@thePSLt20) January 29, 2022
اس کے بعد 34 کے مجموعی اسکور پر لیوس گریگوری بھی 5 رنز بنا کر نسیم شاہ کی گیند پر کلین بولڈ ہوئے، پھر نئے آنے والے کھلاڑی محمد طحٰہ 6 کے انفرادی اسکور پر محمد نواز کی گیند پر آؤٹ ہوئے، یوں کراچی کنگز کے 6 کھلاڑی 56 کے مجموعی اسکور پر پویلین لوٹے۔
اس دوران کپتان بابر اعظم نے ٹیم کو سنبھالا دینے کے لیے محتاط انداز سے بیٹنگ کے سلسلے کو جاری رکھا اور 11 اوورز میں اسکور کو 69 تک پہنچایا اور اگلے ہی اوور میں وہ محمد حسنین کی گیند پر 32 رنز بنا کر پویلین لوٹ گئے، کراچی کنگز کے آٹھویں آؤٹ ہونے والے کھلاڑی عامر یامین تھے جنہوں نے 20 رنز کی اننگز کھیلی۔
یوں تیرہویں اوور میں 81 کے مجموعی اسکور پر کراچی کنگز کو آٹھویں نقصان کا سامنا بھی کرنا پڑا، بعد ازاں 95 کے مجموعی اسکور پر محمد الیاس نسیم شاہ کا شکار بنے، بعد ازاں عماد وسیم بھی نسیم شاہ کا شکار ہوئے، یوں کراچی کنگز کی ٹیم 113 پر ڈھیر ہوگئی۔
It’s over for @babarazam258. @MHasnainPak on the attack 🔥 #HBLPSL7 l #LevelHai l #QGvKK pic.twitter.com/MGpIF9ySWa
— PakistanSuperLeague (@thePSLt20) January 29, 2022
کراچی کنگز کے کپتان بابر اعظم 32 رنز بنا کر نمایاں بلے باز رہے ، اس کے علاوہ صرف چار ہی کھلاڑی ڈبل فیگر میں داخل ہوسکے۔ کوئٹہ گلیڈی ایٹرز کے بولر نسیم شاہ نے تین اعشاریہ تین اوور میں صرف 20 رنز دے کر پانچ وکٹیں حاصل کیں جبکہ سہیل تنویر 2، حسنین نواز اور جیمز ایک ایک وکٹ حاصل کرسکے۔
Quetta won the toss and will bowl first. Let’s take a look at the two squads. #HBLPSL7 l #LevelHai l #QGvKK pic.twitter.com/MjlZUGd2l8
— PakistanSuperLeague (@thePSLt20) January 29, 2022
کوئٹہ گلیڈی ایٹرز اننگز
ہدف کے تعاقب میں کوئٹہ گلیڈی ایٹرز کی جانب سے بیٹنگ کا آغاز ول اسمیڈ اور احسن علی نے کیا اور 76 رنز کی شراکت داری کی، جس کے بعد ول اسمیڈ 30 کے انفرادی اسکور پر پویلین روانہ ہوئے۔
اس دوران احسان علی نے ذمہ دارانہ انداز سے کھیل کو جاری رکھا اور 57 رنز کی ناقابلِ شکست اننگز کھیلی۔
کوئٹہ گلیڈی ایٹرز کے احسان علی 57 ، ول اسمیڈ 30 اور کپتان سرفراز احمد 16 رنز کے ساتھ نمایاں بلے باز رہے جبکہ کراچی کنگز کے محمد عمران ایک ہی وکٹ حاصل کرسکے۔
اس سے قبل کھیلے جانے والے میچ میں ملتان سلطانز نے لاہور قلندرز کو سنسنی خیز مقابلے کے بعد پانچ وکٹوں سے شکست دے کر ایونٹ میں مسلسل دوسری فتح اپنے نام کی ہے۔
واضح رہے کہ اب تک کراچی کنگز اور کوئٹہ گلیڈی ایٹرز کو ایک ایک میچ میں شکست کا سامنا کرنا پڑا ہے، کراچی کنگز کو ملتان سلطانز جبکہ گلیڈی ایٹرز کو گزشتہ روز پشاور زلمی نے شکست دی تھی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔