- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
ایف سی اہلکاروں کے قتل سے متعلق مہمند ایجنسی میں ساتھیوں سے بات کریں گے، شاہد اللہ شاہد
کالعدم تحریک طالبان شاہد اللہ شاہد کا کہنا ہے کہ ایف سی اہلکاروں کو قتل کرنے سے متعلق حقیقت جاننے کے لئے مہمند ایجنسی میں اپنے ساتھیوں سے بات کریں گے۔
کالعدم تحریک طالبان کے ترجمان شاہد اللہ شاہد نے اپنے ایک بیان میں کہا ہے کہ ایسا لگتا ہے کہ مہمند ایجنسی والوں نے ایف سی اہلکاروں کے خلاف ردعمل میں کارروائی کی ہو کیوں کہ گزشتہ ایک ہفتے کے دوران ہمارے 23 ساتھیوں کو قتل کر دیا گیا ہے۔ انہوں نے کہا کہ نوشہرہ میں ہمارے 16 ساتھیوں کو قتل کیا گیا جب کہ گزشتہ روز کراچی 5 اور آج 2 ساتھیوں کو مارا گیا، ایک طرف مذاکرات چل رہے ہیں جب کہ دوسری طرف ہمارے ساتھیوں کو مارا جا رہا ہے۔
شاہد اللہ شاہد نے کہا کہ طالبان بات چیت اور مذاکراتی عمل میں سنجیدہ ہیں، ہمارے خلاف کارروائی بند ہونی چاہیے، ممکن تھا کہ آئندہ چند دن میں جنگ بندی کا اعلان ہو جاتا۔ انہوں نے کہا کہ ہم نے اپنے کمیٹی ارکان سے بھی بات کی ہے اور انہیں کہا ہے کہ اس معاملے کو حکومتی کمیٹی کے سامنے اٹھایا جائے۔
واضح رہے کہ گزشتہ روز کالعدم تحریک طالبان مہمند ایجنسی کی جانب سے دعویٰ کیا گیا تھا کہ انہوں نے 14 جون 2010 کو شوگڑی چیک پوسٹ سے اغوا کئے گئے 30 ایف سی اہلکاروں میں سے 23 کو قتل کر دیا، طالبان رہنما عمر خالد خراسانی کی جانب سے کہا گیا کہ ایف سی کے 23 جوانوں کو مار کر ساتھیوں کے قتل کا بدلہ لیا گیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔