بیروت میں ایرانی ثقافتی مرکزکے قریب 2 خود کش حملے، 5 افراد ہلاک، 100 سے زائد زخمی

ویب ڈیسک  بدھ 19 فروری 2014
 ایرانی حکومت فوری طورپرلبنان میں موجود  اپنی فورسز کو واپس بلائے اورہمارے قیدیوں کو رہا کرے، عبداللہ اعظم بریگیڈ فوٹو: اے ایف پی

ایرانی حکومت فوری طورپرلبنان میں موجود اپنی فورسز کو واپس بلائے اورہمارے قیدیوں کو رہا کرے، عبداللہ اعظم بریگیڈ فوٹو: اے ایف پی

بیروت: لبنان کے دارالحکومت میں ایرانی ثقافتی مرکز کے باہر 2  خود کش بم حملوں کے نتیجے میں 5 افراد ہلاک اور 100 سے زائد زخمی ہوگئے۔

غیر ملکی خبر رساں ادارے کے مطابق ایرانی ثقافتی مرکز کے باہر ایک خود کش حملہ آور نے خود کو دھماکے سے اڑا لیا جس کے بعد فائرنگ بھی شروع ہوگئی اور کچھ ہی دیر بعد دوسرے حملہ آور نے بھی خود کو دھماکے سے اڑالیا، دھماکوں کے  بعدعلاقے میں بھگڈر مچ گئی جب کہ اس دوران انسانی اعضا بھی ہرطرف بکھر گئے، وزارت صحت کے مطابق خود کش دھماکوں میں 5 افراد ہلاک اور 100 سے زائد زخمی ہوئے جب کہ زخمیوں میں سے بھی متعدد کی حالت تشویشناک ہے ۔

دوسری جانب القاعدہ سے تعلق رکھنے والی  ’’عبداللہ اعظم بریگیڈ‘‘ نامی تنظیم نے دھماکوں کی ذمہ داری قبول کرتے ہوئے ٹوئٹر پیغام میں کہا ہے اگرا ایران کی حکومت نے فوری طورپرلبنان میں موجود اپنی فورسز کو واپس اورہمارے قیدیوں کو رہا نہ کیا تو آئندہ بھی اس طرح کے دھماکے کئے جائیں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔