اپوزیشن والے تاش کے پتے ہیں ایک دھکا دیا تو بکھر جائیں گے، فواد چوہدری

 اسلام آباد: وزیراطلاعات فواد چوہدری کا کہنا ہے کہ اپوزیشن والےسارے تاش کے پتے ہیں پھونکوں سے گر جانے والے ایک دھکا دیا تو بکھر جائیں گے۔ 

سماجی رابطے کی ویب سائٹ ٹویٹر پر اپنی ٹویٹ میں وزیراطلاعات فواد چوہدری کا کہنا تھا کہ بھان متی کا کنبہ حکومت گرانا چاہتا ہے، جب کہ ان کی جانب سے وزیر اعظم کےامیدوار کا وجود ہے نہ وزیر اعلیٰ کا، ان کا مقصد صرف کیسز سے نجات ہے۔

بھان متی کا کنبہ حکومت گرانا چاھتا ہے لیکن نہ وزیر اعظم کےامیدوار کا وجود ہے نہ وزیر اعلی کا، مقصد صرف کیسز سے نجات ہے پاکستان کا صرف ایک ہی لیڈر ہے عمران خان اپوزیشن والےسارے تاش کے پتے ہیں پھونکوں سے گر جانے والے ایک دھکا دیا تو بکھر جائینگے D چوک کے جلسے کا انتظار کریں

— Ch Fawad Hussain (@fawadchaudhry) March 13, 2022

فواد چوہدری کا کہنا تھا کہ پاکستان کا صرف ایک ہی لیڈر ہے عمران خان، اپوزیشن والے تو سارے تاش کے پتے ہیں، پھونکوں سے گر جانے والے ایک دھکے سے بکھر جائیں گے، اپوزیشن ڈی چوک کے جلسے کا انتظار کرے۔