- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
پاکستانی لٹل اسٹارز چمک اٹھے، گوروں کی آنکھیں چندھیا گئیں
دبئی: انڈر 19 کرکٹ ورلڈ کپ میں پاکستانی لٹل اسٹارزچمک اٹھے جس سے گوروں کی آنکھیں چندھیا گئیں۔
گرین شرٹس نے سنسنی خیز سیمی فائنل میں 3 وکٹ سے فتح پائی، ظفر گوہر اور عماد بٹ اعصاب کی جنگ میں سرخرو ٹھہرے، دونوں نے 142 پر7 وکٹیں گنوانے والی ٹیم کو 205 کے ہدف پر پہنچایا، آٹھویں وکٹ کیلیے 63 رنز کی ناقابل شکست شراکت ہوئی، ٹاپ آرڈر کی ناکامی پر سعود شکیل نے 45 رنز بناکر ٹیم کو سنبھالا دیا، اس سے پہلے انگلش ٹیم نے 7 وکٹ پر 204 رنز بنائے، ول رہوڈز 76 رنز پر ناٹ آؤٹ رہے، ضیا الحق، عماد بٹ اور کرامت علی نے2،2 وکٹیں لیں۔ دوسری جانب بھارت نے پانچویں پوزیشن کیلیے پلے آف سیمی فائنل میں سری لنکا کو 76 رنز سے شکست دے دی۔ تفصیلات کے مطابق دبئی کے اسپورٹس سٹی اسٹیڈیم میں پہلے سیمی فائنل میں فتح کیلیے پاکستان کو 205 رنز کا ہدف ملا، اس بار سمیع اسلم اور امام الحق41 رنز جوڑنے میں کامیاب رہے، سمیع (18) کو سیئر نے ایل بی ڈبلیو کیا، 57 کے مجموعی اسکور پر تین بیٹسمین آؤٹ ہوگئے، حسن رضا 8 رنز پر رہوڈز کی گیند پر سیئر کا کیچ بنے، امام 28 رنز پر جونز کی گیند پر ایل بی ڈبلیو ہوئے جبکہ جونز نے 2 گیندوں بعد کامران غلام کو صفر پر میدان بدر کیا، کیچ ڈوکیٹ نے تھاما، اس موقع پر سعود شکیل اور امیر حمزہ ٹوٹل کو 131 تک لے گئے۔
حمزہ 35 رنز پر سیئر کی گیند پر ایل بی ڈبلیو ہوئے، اگلے اوور میں سیف اللہ خان بغیر کوئی رن بنائے فشر کی گیند پر کاٹ بی ہائنڈ ہوگئے، جب ساتویں کھلاڑی سعود شکیل 45 رنز پر فشرکی گیند پر کلارک کا کیچ بنے تو اس وقت مجموعی اسکور 142 تھا، اب ظفر گوہر نے عماد کے ساتھ مل کر اسکور کو آگے بڑھانا شروع کیا، آخری 5 اوورز میں فتح کیلیے 36 اور پھر 12 بالز پر اتنے ہی رنز درکار تھے، آخری اوور کا آغاز ہوا تو جیت کے لیے صرف 4 رنز چاہیے تھے، جیک ونسلیڈ کی گیند پر عماد نے چوکا جڑ کر ٹیم کو فتح دلادی، انھوں نے اس سے قبل 48 ویں اوور میں ایک چھکا بھی لگایا تھا، گیند دراصل باؤنڈری پر موجود فیلڈر ونسلیڈ کے ہاتھوں سے اچھل کر باؤنڈری کے پار گری تھی۔
مین آف دی میچ ظفر نے37 اور عماد نے 26 رنز بنائے، میتھیو فشر، روب سیئر اور روب جونز نے2،2 وکٹیں لیں۔ اس سے قبل انگلینڈ کا آغاز بھی اچھا نہیں ہوا،اوپنرز ٹیٹرسیل اور ہیرفنچ بغیر کھاتہ کھولے میدان بدر ہوگئے، ریان ہنگز نے 52 رنز اسکور کرکے ٹیم کو سنبھالا دیا،انگلینڈ کی 119 رنز پر 6 کھلاڑی آؤٹ ہوچکے تھے جب ول رہوڈز نے ٹوٹل کو مستحکم کرنا شروع کیا، وہ 76 رنز پر ناٹ آؤٹ رہے، انھوں نے 79 بالز کا سامنا کرتے ہوئے ایک چھکا اور 4 چوکے جڑے۔ ضیا الحق، عماد بٹ اور کرامت علی نے2،2 وکٹیں لیں ۔ ادھر پانچویں جگہ کے لیے پلے آف سیمی فائنل میں بھارت نے سری لنکا کو 76 رنز سے شکست دی۔ پلیٹ چیمپئن شپ کے پلے آف میں نمیبیا نے کینیڈا کو 23 رنز اور اسکاٹ لینڈ نے پاپوا نیوگنی کو 77 رنز سے ہرا دیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔