ڈی آئی خان میں سیکیورٹی فورسز کی کارروائی، 3 دہشت گرد ہلاک، آئی ایس پی آر

دہشت گردوں کے قبضہ سے بھاری اسلحہ اور بارود برآمد ہوا ہے، آئی ایس پی آر

ویب ڈیسک ہفتہ 2 اپريل 2022

—فائل فوٹو

راولپنڈی: پاک فوج کے شعبہ تعلقات عامہ (آئی ایس پی آر) کے مطابق سیکیورٹی اداروں نے ڈیرہ اسماعیل خان (ڈی آئی خان) کے علاقے کولاچی میں دہشت گردوں کے خلاف بڑا آپریشن کیا جس میں 3 دہشت گرد ہلاک ہوگئے۔

آئی ایس پی آر کے مطابق دہشت گردوں کے قبضہ سے بھاری اسلحہ اور بارود برآمد ہوا جبکہ دہشت گرد سیکیورٹی اداروں کے خلاف دہشت گرد حملوں میں ملوث تھے۔

آئی ایس پی آر کے اعلامیے کے مطابق سیکیورٹی فورسز کے آپریشن کی مقامی شہریوں کی جانب سے حمایت اور علاقہ سے دہشت گردوں کے مکمل خاتمہ کے لیے فورسز کی مکمل حمایت کا اعلان کیا۔