شوبز شخصیات کی ماہِ صیام کے آغاز پر مبارک باد

 کراچی: رمضان المبارک کا چاند نظر آتے ہی شوبز شخصیات کی جانب سے بھی مبارک باد کا سلسلہ شروع ہوچکا ہے، فنکاروں نے ماہِ صیام کی آمد پر ڈھیروں برکتیں اور نعمتیں سمیٹنے کا عزم ظاہر کیا۔

معروف اداکار ہمایوں سعید نے سماجی رابطے کی سائٹ ٹوئٹر پر لکھا کہ رمضان کے اس بابرکت مہینے میں اللہ ہم پر اپنی رحمتیں نازل فرمائے، سب کے لیے امن وسلامتی، خوش حالی اور کامیابی کی دعائیں، تمام افراد مجھے بھی اپنی دعاؤں میں یاد رکھیں، رمضان مبارک۔

May Allah bestow His blessings upon us in this holy month. Wishing and praying for peace, prosperity, happiness and success for all. Please do remember me in your prayers as well. Ramzan Mubarak pic.twitter.com/KFtrwojQy9

— Humayun Saeed (@iamhumayunsaeed) April 2, 2022

اداکارہ ماورہ حسین نے بھی خوشی کا اظہار کرتے ہوئے سب کو رمضان کا چاند نظر آنے کی مبارک باد دی۔

نامور گلوکار عاصم اظہر نے ماہِ صیام کی مبارک باد دی اور دعا کی کہ اللہ سب کے روزے اور عبادت قبول فرمائے۔ عاصم اظہر کی منگیتر میرب علی نے بھی سماجی رابطے کی فوٹو ویڈیو شیئرنگ ایپ انسٹاگرام کی اسٹوری پر ’’رمضان مبارک‘‘ لکھا۔

#RamadanMubarak pic.twitter.com/Pj3EKxUZ8u

— Asim Azhar (@AsimAzharr) April 2, 2022

خیال رہے کہ رمضان کے آغاز پر ہر شعبے سے تعلق رکھنے والی شخصیات کی جانب سے مبارک بادی دی جارہی ہے۔