معروف گلوکارہ نتاشا نورانی خاموشی سے رشتہ ازدواج میں منسلک

ویب ڈیسک  اتوار 3 اپريل 2022
نتاشا کو شوبز شخصیات کی جانب سے مبارک باد دی جارہی (فوٹو، انٹرنیٹ)

نتاشا کو شوبز شخصیات کی جانب سے مبارک باد دی جارہی (فوٹو، انٹرنیٹ)

 کراچی: نامور گلوکارہ نتاشا نورانی نے زیرک احمد نامی نوجوان سے شادی کرلی جو پیشے کے اعتبار سے انجینئر ہیں، گلوکارہ نے سوشل میڈیا پر اپنے شوہر کے ہمراہ تصاویر بھی شیئر کیں۔

میڈیا رپورٹس کے مطابق نتاشا اور زیرک احمد رشتہ ازدواج میں بندھ گئے ہیں، گلوکارہ کی شادی کی تصاویر سوشل میڈیا پر دیکھ کر ان کے مداح بھی حیران رہ گئے، پرستاروں نے مبارک باد دی اور نیک تنماؤں کا اظہار بھی کیا۔

مداحوں کی حیرانی کی اہم وجہ یہ بھی تھی کہ گلوکارہ نے اس حوالے سے کوئی اشارہ نہیں دیا اور اچانک شادی کی خوش خبری سنادی۔

گلوکارہ نے اپنی شادی کی ایک تقریب میں گلاب اور دوسرے ایونٹ میں سرخ رنگ کا لہنگا زیب تن کیا، اس دوران انہوں نے خوبصورت جیورلی بھی پہن رکھی تھی۔

نتاشا کو مداحوں کے علاوہ شوبز شخصیات کی جانب سے بھی مبارک باد دی جارہی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔