یوٹیوب نے معروف اسکالر ڈاکٹر اسرار احمد کا چینل بند کردیا

کیلی فورنیا: ویڈیوشئیرنگ ویب سائٹ یوٹیوب نے یہود مخالف لیکچرز کا الزام لگا کرمعروف اسکالرڈاکٹراسراراحمد کا چینل بند  کردیا۔

یوٹیوب کی جانب سے جاری بیان میں کہا گیاہے کہ ڈاکٹر اسرار کے 2چینلز  کو نفرت انگیز اور تشدد سے متعلق پالیسیوں کی خلاف ورزی پر بند  کیا گیا ہے۔

یوٹیوب نے ڈاکٹر اسرار احمد کے چینل کو بند کرنے کا فیصلہ یہودی اخبار میں ڈاکٹراسرار احمد کے خلاف رپورٹس شائع ہونے کے بعد کیا۔ڈاکٹر اسرار کے یوٹیوب چینل پر سبسکرائبرز کی تعداد تقریباً 30 لاکھ  ہے جبکہ ان کے لیکچرز کو سننے اور پسندکرنے  والوں کی تعداد بھی زیادہ ہے۔

ڈاکٹراسراراحمد کے لیکچرز کوپسند کرنے والوں نے یوٹیوب کے فیصلے پرناراضگی کا اظہارکیا ہے۔