کراچی میں پھر ایک بینک لٹ گیا، گلشن اقبال سے ڈاکو لاکھوں روپے لے اڑے

کراچی: گلشن اقبال بلاک 2 میں بینک ڈکیتی کے دوران ڈاکو لاکھوں روپے لوٹ کر فرار ہوگئے۔

ایکسپریس نیوز کے مطابق کراچی کے علاقے گلشن اقبال بلاک 2 میں رب میڈیکل سینٹر کے قریب واقع نجی بینک میں 3 ڈاکو اسلحے کے زور پر بینک کے عملے، گارڈز اور وہاں موجود صارفین کو یرغمال بنانے کے بعد لاکھوں روپے لوٹ کر با آسانی فرار ہوگئے۔ ڈکیتی کے بعد پولیس نے بینک عملے کے بیانات قلمبد کرکے 2 گارڈز کو شامل تفتیش کرلیا ہے جن سے پوچھ گچھ کا سلسلہ جاری ہے۔

واضح رہے کہ رواں سال کراچی میں آج ہونے والی ساتویں بینک ڈکیتی ہے، گزشتہ روز بھی ڈاکو اورنگی ٹاؤن میں قذافی چوک کےقریب نجی بینک سے 45 لاکھ روپے لوٹ کر فرار ہوگئے تھے تاہم بینک ڈکیتیوں میں ملوث ملزمان کے خلاف کارروائی کرنے والا پولیس کا سیل ایس آئی یو غیر فعال ہونے کے باعث بینک ڈکیتی کی وارداتوں میں اضافہ ہوتا جا رہا ہے۔