2 افراد کا قتل، گینگ وارسرغنہ کے بیٹے کوجیل بھیج دیا گیا

کورٹ رپورٹر  بدھ 6 اپريل 2022
ملزم سے ابتدائی تفتیش مکمل ہوگئی،مزیدجسمانی ریمانڈدرکارنہیں،تفتیشی افسر
(فوٹو : فائل)

ملزم سے ابتدائی تفتیش مکمل ہوگئی،مزیدجسمانی ریمانڈدرکارنہیں،تفتیشی افسر (فوٹو : فائل)

 کراچی:  انسداد دہشت گردی کی منتظم عدالت نے سابق پولیس افسر چاند خان نیازی سمیت 2 افراد کے قتل کے مقدمے میں ملزم کو عدالتی ریمانڈ پر جیل بھیج دیا۔

کلفٹن میں انسداد دہشت گردی کی منتظم عدالت کے روبرو سابق پولیس افسر چاند خان نیازی سمیت 2 افراد کے قتل کے مقدمے کی سماعت ہوئی، پولیس نے ریمانڈ مکمل ہونے پر گینگ وار کے سرغنہ ارشد پپو کے بیٹے عالم بلوچ کوپیش کیا۔

تفتیشی افسر نے بتایاکہ ملزم سے ابتدائی تفتیش مکمل ہوگئی ہے، ملزم نے دوران تفتیش بتایاکہ والد ارشد پپو کے قتل کا بدلہ لینے کے لیے پولیس افسر کو قتل کیا، ملزم کا مزید جسمانی ریمانڈ درکار نہیں ہے، عدالت نے ملزم عالم بلوچ کو جوڈیشل ریمانڈ پر جیل بھیج دیا۔

عدالت نے تفتیشی افسر کو 26 اپریل تک چالان پیش کرنے کا حکم دیدیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔