’اگلی بار میں بھی جاؤں گی‘، آسٹریلوی کرکٹر کی اہلیہ بھی پاکستان کی دیوانی

لاہور: آسٹریلوی کرکٹر بن میکڈرموٹ کے ساتھ ان کی اہلیہ نے بھی اگلی بار پاکستان آنے کی خواہش کا اظہار کردیا۔

سوشل میڈیا سائٹ پر قذافی اسٹیڈیم میں کیرئیر کی پہلی سنچری اسکور کرنے والے آسٹریلوی کرکٹر بن میکڈرموٹ نے لکھاہے کہ پاکستان کے دورے کے بعد بحفاظت اور خیریت سے گھر پہنچ گیاہوں۔

بن میکڈرموٹ نے اپنی اہلیہ کے ساتھ تصویر بھی شئیر کی ہے۔ ان کا کہنا ہے کہ پاکستان میں ملنے والے پیار اور مہمان نوازی کو دیکھ کر میری اہلیہ کہتی ہیں ٹی وی پر دیکھا کہ کس طرح سب پاکستانیوں نے آپ لوگوں کو ویلکم کیا، اب میں بھی پاکستان جانا چاہتی ہوں۔