کسی صورت ہار نہیں مانوں گا، عمران خان

ویب ڈیسک  ہفتہ 9 اپريل 2022
وزیراعظم سے سینئر صحافیوں نے ملاقات کی ہے (فوٹو، فائل)

وزیراعظم سے سینئر صحافیوں نے ملاقات کی ہے (فوٹو، فائل)

 اسلام آباد: وزیراعظم عمران خان کا کہنا ہے کہ اپنے حلف اور پاکستان سے غداری نہیں کر سکتا، قوم کے لیے آخری بال تک لڑوں گا اور کسی صورت ہار نہیں مانوں گا۔

ایکسپریس نیوز کے مطابق وزیراعظم سے سینئر صحافیوں نے ملاقات کی اس موقع پر عمران خان نے کہا کہ اپنے حلف اور پاکستان سےغداری نہیں کرسکتا، میں کسی صورت استعفیٰ نہیں دوں گا، پہلے کبھی شکست تسلیم کی نہ ہی اب کروں گا۔

ان کا کہنا تھا کہ سپریم کورٹ کے فیصلے سے ہمیں بہت مایوسی ہوئی، عالمی سازش کو کامیاب نہیں ہونے دیں گے۔

وزیراعظم نے کہا کہ خفیہ خط کو پبلک نہیں کیا جاسکتا، ملک میں جو کچھ ہورہا ہے یہ اپوزیشن ایک پلان کے تحت کر رہی ہے، اسمبلی کی کارروائی میں کوئی رکاوٹ نہیں ڈالی جائے گی۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔