24 گھنٹوں میں اسرائیلی فوج کے ہاتھوں دو خواتین سمیت 4 فلسطینی شہید

ویب ڈیسک  پير 11 اپريل 2022
[فائل-فوٹو]

[فائل-فوٹو]

مقبوضہ مغربی کنارے میں 24 گھنٹوں کے اندر اندر اسرائیلی فوج نے چار فلسطینیوں کو گولی مار کر شہید کر دیا۔

مِڈل ایسٹ آئی کے مطابق فلسطینی وزارت صحت نے پیر کی صبح اسرائیلی فوج کے چھاپے کے دوران 17 سالہ محمد زکارنا کی زخموں کی تاب نہ لاتے ہوئے دم توڑنے کی اطلاع دی۔

اسی طرح گزشتہ دن غادہ ابراہیم العریدی، ایک 47 سالہ 6 بچوں کی بیوہ ماں کو ایک اسرائیلی فوجی نے بیت لحم کے مغرب میں حسین نامی گاؤں میں گولی مار کر شہید کیا جبکہ رات کے قریب 21 سالہ محمد علی غنیم کو بیت لحم کے جنوب میں الخدیر قصبے میں شہید کیا گیا۔

اس کے علاوہ ایک اور فلسطینی خاتون 24 سالہ ماہا الزاطری کو اتوار کی سہ پہر ہیبرون کے قریب ابراہیمی مسجد کے پاس گولی مار کر شہید کر دیا گیا۔

رواں سال مغربی کنارے میں اسرائیلی فوج کے ہاتھوں اب تک کم از کم 35 فلسطینی شہید ہو چکے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔