- اسلام آباد اور خیبر پختون خوا میں زلزلے کے جھٹکے
- حافظ نعیم کی کامیابی کا نوٹیفکیشن جاری نہ کرنے پر الیکشن کمیشن کو نوٹس
- خیبر پختونخوا کے تعلیمی اداروں میں موسم بہار کی تعطیلات کا اعلان
- اسپیکر کے پی اسمبلی کو مخصوص نشستوں پر منتخب اراکین سے حلف لینے کا حکم
- امریکا میں چاقو بردار شخص کے حملے میں 4 افراد ہلاک اور 5 زخمی
- آئی پی ایل؛ ’’پریتی زنٹا نے مجھے اپنے ہاتھوں سے پراٹھے بناکر کھلائے‘‘
- اسلام آباد میں ویزا آفس آنے والی خاتون کے ساتھ زیادتی
- اڈیالہ جیل میں عمران خان سمیت قیدیوں سے ملاقات پر دو ہفتے کی پابندی ختم
- توانائی کے بحران سے نمٹنے میں پاکستان کی مدد کرنا ترجیح میں شامل ہے، امریکا
- ہائیکورٹ کے ججزکا خط، چیف جسٹس سے وزیراعظم کی ملاقات
- وزیر اعلیٰ پنجاب کا مسیحی ملازمین کیلیے گڈ فرائیڈے اور ایسٹر بونس کا اعلان
- سونے کی عالمی ومقامی قیمتوں میں اضافہ
- بلوچستان : بی ایل اے کے دہشت گردوں کا غیر ملکی اسلحہ استعمال کرنے کا انکشاف
- سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلیٰ سطح اجلاس
- قومی ٹیم کی کوچنگ؛ جیسن گلیسپی نے اہم فیصلہ کرلیا
- پشاور؛ صوبائی وزیر و دیگر کے نام ای سی ایل سے نکالنے کیلیے حکومت سے جواب طلب
- سوئی ناردرن کی گیس قیمتوں میں اضافے پر وضاحت
- کراچی؛ اورنج اور گرین لائن کو جوڑنے کے لئے شٹل سروس شروع کرنے کا فیصلہ
- قادیانی شہری ضمانت کیس؛ علماء سے 2 ہفتے میں تحریری رائے طلب
- سویلین ٹرائلز؛ سپریم کورٹ کی فوجی عدالتوں کو محفوظ شدہ فیصلے سنانے کی مشروط اجازت
صدر دھماکے میں پراسرار طور پر لاپتہ ہونے والی لڑکی کا ڈراپ سین
کراچی: پولیس حکام کا کہنا ہے کہ 15 سالہ لڑکی دھماکے کی جگہ سے نہیں بلکہ اپنے گھر سے ہی غائب ہوگئی تھی۔
ایکسپریس نیوز کے مطابق کراچی کے علاقے صدر میں ہونے والے دھماکے میں پراسرار طور پر لاپتہ ہونے والی 15 سالہ لڑکی کے حوالے سے اہم انکشاف ہوا ہے، اور پولیس حکام کے مطابق لڑکی دھماکے کی جگہ سے لاپتہ نہیں ہوئی بلکہ وہ 12 مئی کی صبح ہی گھر سےغائب ہوگئی تھی، اور اس کے اہل خانہ نے اس کے لاپتہ ہونے کے حوالے سے غلط بیانی کی۔
اس خبرکوبھی پڑھیں: بوہری بازار دھماکے کے بعد 15 سالہ لڑکی پراسرار طور پر لاپتہ
پولیس حکام نے بتایا کہ لاپتہ لڑکی کے بھائی یاسر سلیم خان نے پریڈی تھانے میں مقدمہ درج کرایا اور بیان دیا کہ اس کی 15 سالہ بہن والدہ کے ہمراہ بوہری بازار سے شاپنگ کرکے واپس گھر جارہی تھی کہ 12 مئی 2022 کی شب زور دار دھماکا ہوگیا، اور میری والدہ بے ہوش کر نیچے گرگئی جب کہ میری بہن پراسرار طور پر لاپتہ ہوگئی۔
اس خبرکوبھی پڑھیں: کراچی کے علاقے صدر میں دھماکا، 1 شخص جاں بحق
پولیس حکام کے مطابق لاپتہ لڑکی کی بازیابی کے لئے تحقیقات شروع کیں تو لڑکی کی والدہ اور بھابھی کے بیانات پرتضاد تھا جس پر پولیس کو شک ہوا، پولیس نے لڑکی کے بھائی یاسر کو اپنی بیوی سے اس حوالے سے پوچھنے کا کہا تو بھانڈا پھوٹ گیا، اصل معاملہ تھا کہ لڑکی دھماکے کے روز صبح سے ہی گھر سے غائب تھی، لڑکی کی والدہ اور بھابی لڑکی کی تلاش کے سلسلے میں صدر میں موجود تھیں، اور بدقسمتی سے دھماکا بھی ہوگیا، لڑکی کی والدہ اور بھابی نے گھر کے مردوں کے ڈر سے جھوٹ بولا اور لڑکی کے لاپتہ ہونے کا ملبہ دھماکے پر ڈال دیا۔
پولیس حکام کا کہنا ہے کہ حقیقت سامنے آنے کے بعد لڑکی کے پراسرار طور لا پتہ ہونے کے واقعہ کا مقدمہ پریڈی تھانے سے تھانہ فریئر منتقل کیا جا رہا ہے۔
واضح رہے کہ 12 مئی کو کراچی کے علاقے صدر کے مصروف ترین مقام کے قریب زور دار دھماکا ہوا، جس کے نتیجے میں ایک شخص جاں بحق اور پانچ گاڑیاں مکمل طور پر تباہ ہوگئیں جبکہ متعدد کو نقصان پہنچا، واقعے کے بعد نیا کیس بھی سامنے آگیا جب یاسر سلیم خان نامی شخص نے پریڈی تھانے میں اپنی بہن کے لاپتہ ہونے کا مقدمہ درج کرایا اور ’ہم لوگ کراچی کے علاقے پنجاب کالونی کے رہائشی ہے میری 15 سالہ بہن والدہ کے ہمراہ بوہری بازار سے شاپنگ کرکے واپس گھر جارہی تھی ، صدر کے علاقے داود پوتا روڈ پہنچی تو 12 مئی 2022 کی شب زور دار دھماکا ہوگیا‘۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔