- وزیر اعلیٰ پنجاب کا مسیحی ملازمین کیلیے گڈ فرائیڈے اور ایسٹر بونس کا اعلان
- سونے کی عالمی ومقامی قیمتوں میں اضافہ
- بلوچستان : بی ایل اے کے دہشت گردوں کا غیر ملکی اسلحہ استعمال کرنے کا انکشاف
- سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلیٰ سطح اجلاس
- قومی ٹیم کی کوچنگ؛ جیسن گلیسپی اہم فیصلہ کرلیا
- پشاور؛ صوبائی وزیر و دیگر کے نام ای سی ایل سے نکالنے کیلیے حکومت سے جواب طلب
- سوئی ناردرن کی گیس قیمتوں میں اضافے پر وضاحت
- کراچی؛ اورنج اور گرین لائن کو جوڑنے کے لئے شٹل سروس شروع کرنے کا فیصلہ
- قادیانی شہری ضمانت کیس؛ علماء سے 2 ہفتے میں تحریری رائے طلب
- سویلین ٹرائلز؛ سپریم کورٹ کی فوجی عدالتوں کو محفوظ شدہ فیصلے سنانے کی مشروط اجازت
- ایف بی آر سے کرپشن کے خاتمے کیلیے خفیہ ایجنسی کو ٹاسک دیدیا گیا
- کاکول ٹریننگ کیمپ؛ اعظم خان 2 کلومیٹر ریس میں مشکلات کا شکار
- اسٹاک ایکسچینج؛ 100 انڈیکس ملکی تاریخ کی نئی بلند ترین سطح پر پہنچ گیا
- بجلی ایک ماہ کیلیے 5روپے فی یونٹ مہنگی کر دی گئی
- کھلاڑیوں کی ادائیگیوں کا معاملہ؛ بورڈ نے فیکا کے الزامات کو مسترد کردیا
- پی ٹی آئی (پی) کی مخصوص نشستوں کا معاملہ، الیکشن کمیشن حکام فوری ہائیکورٹ طلب
- حساس ادارے کے دفترکے گیٹ پرحملہ، پی ٹی آئی کارکنان دوبارہ زیرحراست
- اُم المومنین سیّدہ عائشہؓ کے فضائل و محاسن
- معرکۂ بدر میں نوجوانوں کا کردار
- غزوۂ بدر یوم ُالفرقان
سپریم کورٹ نے لوٹوں کے خلاف فیصلہ دے کر پاکستان کی اخلاقیات کو گرنے سے بچالیا، عمران خان
کوہاٹ: پاکستان تحریک انصاف کے چیئرمین عمران خان نے کہا ہے کہ سپریم کورٹ نے لوٹوں کے خلاف فیصلہ دے کر پاکستان کی اخلاقیات کو گرنے سے بچا لیا۔
کوہاٹ میں جلسہ عام سے خطاب کرتے ہوئے عمران خان نے کہا کہ ان کی کل آئی ایم ایف سے مذاکرات ہے جس میں یہ امریکا سے ڈالرز مانگیں گے اور کہیں گے کہ ہمیں ڈالر دے دو ورنہ عمران خان آجائے گا مگر قرضہ ایسے نہیں ملے گا بلکہ امریکا مزید غلامی کروائے گا۔
انہوں نے کہا کہ شہباز شریف فوجی اور امریکی بوٹ اچھی طرح سے پالش کرتا ہے، اُسے بڑے بھائی کے وزیراعظم بننے کے بعد وزیراعظم بننے کا بڑا شوق تھا مگر اب وہ پریشان اور پھنس گیا ہے کیونکہ آگے سمندر اور پیچھے ٹائیگرز ہیں۔
عمران خان نے کہا کہ اس ساری صورت حال میں زرداری سب سے زیادہ مزے لے رہا ہے کیونکہ مہنگائی، روپے کی قدر کم ہونے سمیت تمام مسائل پر مسلم لیگ ن کو تنقید کا سامنا کرنا پڑ رہا ہے جبکہ زرداری مزے لے رہا ہے۔ اُن کا کہنا تھا کہ ’ایک زرداری ساری ن لیگ پر بھاری ہے‘۔
عمران خان نے عوام کو مخاطب کر کے کہا کہ آپ کو حقیقی آزادی کے لیے جدوجہد میں شرکت کرنی ہے، ویسے بھی اب موٹروے بن گیا ہے، آپ اسلام آباد جلدی پہنچ جائیں گے اور اللہ نے ہمارے لیے موسم بھی اچھا کردیا ہے۔
’یہ ہمیں نااہل کہتے تھے مگر ہمیں اللہ نے عزت دی‘
پی ٹی آئی چیئرمین نے کہا کہ ’یہ ہمیں نااہل اور خود کو تجربہ کار کہتے تھے مگر اب ان کا تجربہ کہاں گیا کیونکہ چند روز میں ملکی معیشت تباہ ہوگئی ہے، اللہ نے ہمیں عزت دی، ہم آج عوام میں آرہے ہیں اور یہ چھپتے پھر رہے ہیں‘۔
’ منحرف اراکین کیخلاف فیصلے پر سپریم کورٹ کا شکریہ ادا کرتے ہیں‘
سپریم کورٹ کے فیصلے پر ردعمل دیتے ہوئے عمران خان نے کہا کہ ’سپریم کورٹ کا لوٹوں کے خلاف جو فیصلہ آیا ہم اُس پر اُن کا شکریہ ادا کرتے ہیں، عدالت نے آج لوٹوں کے خلاف فیصلہ دے کر پاکستان کی اخلاقیات کو گرنے سے بچالیا کیونکہ منحرف اراکین اپنے حلقے کے لوگوں، آئین سے غداری کرتے ہیں اور سیاست کی اخلاقیات کا جنازہ نکالتے ہیں، شکر ہے سپریم کورٹ نے ان کے ووٹ کو رد کردیا‘۔
انہوں نے کہا کہ ’حمزہ شہباز تم نے بہت شوق سے اچکن سلوائی تھی اب بس تیار کرلو کیونکہ پنجاب مین مرغی کی قیمتیں بھی نیچے آئیں گی‘۔
عمران خان نے سپریم کورٹ سے مطالبہ کیا کہ شریف خاندان کے چالیس ارب روپے کے کیسز کی یومیہ بنیاد پر سماعت کرے کیونکہ انہوں نے ایف آئی اے کو تباہ کردیا، تفتیش کرنے والے ایف آئی اے افسر ڈاکٹر رضوان کا انتقال ہوگیا جبکہ دوسرے کو ہارٹ اٹیک ہوا، ہمیں سپریم کورٹ کے علاوہ کسی اور پر اعتماد نہیں ہے‘۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔