- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
- ماہرین کا اینڈرائیڈ صارفین کو 28 خطرناک ایپس ڈیلیٹ کرنے کا مشورہ
- اسرائیل نے امن کا پرچم لہرانے والے 2 فلسطینی نوجوانوں کو قتل کردیا
- حکومت نے آٹا برآمد کرنے کی مشروط اجازت دے دی
- سائفر کیس میں امریکی ناظم الامور کو نہ بلایا گیا نہ انکا واٹس ایپ ریکارڈ لایا گیا، وکیل عمران خان
- سندھ ہائیکورٹ میں جج اور سینئر وکیل میں تلخ جملوں کا تبادلہ
- حکومت کا ججز کے خط کے معاملے پر انکوائری کمیشن بنانے کا اعلان
- زرمبادلہ کے سرکاری ذخائر 8 ارب ڈالر کی سطح پر مستحکم
- پی ٹی آئی کا عدلیہ کی آزادی وعمران خان کی رہائی کیلیے ریلی کا اعلان
- ہائی کورٹ ججز کے خط پر چیف جسٹس کی زیرصدارت فل کورٹ اجلاس
- اسلام آباد اور خیبر پختون خوا میں زلزلے کے جھٹکے
- حافظ نعیم کی کامیابی کا نوٹیفکیشن جاری نہ کرنے پر الیکشن کمیشن کو نوٹس
- خیبر پختونخوا کے تعلیمی اداروں میں موسم بہار کی تعطیلات کا اعلان
- اسپیکر کے پی اسمبلی کو مخصوص نشستوں پر منتخب اراکین سے حلف لینے کا حکم
- امریکا میں چاقو بردار شخص کے حملے میں 4 افراد ہلاک اور 5 زخمی
- آئی پی ایل؛ ’’پریتی زنٹا نے مجھے اپنے ہاتھوں سے پراٹھے بناکر کھلائے‘‘
- اسلام آباد میں ویزا آفس آنے والی خاتون کے ساتھ زیادتی
سہواگ نے شعیب اختر کے بعد کوہلی کو آڑے ہاتھوں لے لیا
نئی دہلی: شعیب اختر کے بعد بھارتی کرکٹ ٹیم کے سابق اوپنر نے اسٹار کرکٹر ویرات کوہلی کو آڑے ہاتھوں لے لیا۔
بھارتی میڈیا کی رپورٹس کے مطابق سابق جارح مزاج اوپنر وریندر سہواگ نے اپنے حالیہ بیان میں ویرات کوہلی کو تنقید کا نشانہ بناتے ہوئے کہا کہ انہوں نے اپنے دور میں مستقبل کے اسٹارز کو موقع نہیں دیا، وہ کچھ کھلاڑیوں کو سپورٹ کرتے تھے مگر کچھ کو بالکل نظر انداز۔
سہواگ نے بھارتی کرکٹ بورڈ (بی سی سی آئی) کے موجودہ صدر ساروو گنگولی کو کوہلی سے بہترین کپتان قرار دیتے ہوئے کہا کہ ساروو گنگولی نے ایک نئی ٹیم تشکیل دی، مجھ سمیت یووراج سنگھ، ہربھجن سنگھ اور ظہیر خان جیسے مستقبل کے سپر اسٹارز کو ٹیم میں لائے اور پھر اپنے کھلاڑیوں کو ہر طرح سے سپورٹ کیا۔
انہوں نے کہا کہ بہترین کپتان وہ ہوتا ہے جو ٹیم بناتا ہے، اپنے کھلاڑیوں کو سپورٹ کرتا ہے اور ان کے اندر جیت کا جذبہ پیدا کرتا ہے۔
مزید پڑھیں: کوہلی نے تنقید سے بچنے کیلیے ٹی وی کی آواز ہی بند کردی
ویرات کوہلی کی کپتانی میں بھارتی ٹیم کو بڑا آئی سی سی ایونٹ جیتنے میں تو کامیاب نہیں ہوسکی البتہ انکی قیادت میں ٹیم نے سب سے زیادہ انٹرنیشنل میچز جینے کا اعزاز حاصل کررکھا ہے۔
سابق بھارتی کپتان بری پرفارمنس کے باعث مسلسل تنقید کی زد میں ہیں انہوں نے آئی سی سی ٹی20 ورلڈکپ میں بدترین کارکردگی کے بعد کپتانی کو خیرباد کہہ دیا تھا، بعد ازاں انہیں ون ڈے ٹیم کی کپتانی سے ہٹا کر روہت شرما کو کپتان بنا دیا گیا اور پھر رواں برس کے آغاز پر جنوبی افریقا کے ہاتھوں ٹیسٹ سیریز میں شکست کے بعد کوہلی نے ٹیسٹ ٹیم کی کپتانی بھی چھوڑ دی تھی۔
اس سے قبل گزشتہ دنوں وریندر سہواگ نے قومی کرکٹ ٹیم کے سابق اسپیڈ اسٹار شعیب اختر کے ایکشن کو غیرقانونی قرار دیا تھا، شعیب اپنا ہاتھ چھپا کر بالنگ کے وقت بھاگتے تھے انکے ایکشن میں کچھ جھول تھا جبکہ وہ ہاتھ کو جھٹکا مار کر بالنگ کرواتے تھے۔
مزید پڑھیں: شعیب اختر نے بالنگ ایکشن غیر قانونی قرار دینے پر سہواگ کو کرارا جواب دیدیا
شعیب اختر نے سہواگ کو کرارا جواب دیتے ہوئے کہا تھا کہ اگر سہواگ کو آئی سی سی سے زیادہ معلومات ہے تو الگ بات ہے ورنہ انہیں ایسی باتیں نہیں کرنی چاہیے تھیں، سہواگ کو میرا بولنگ ایکشن غیر قانونی لگتا ہو گا لیکن پاکستان بھارت میں ایسا کسی اور کو نہیں لگتا، میرے بالنگ ایکشن کو آئی سی سی نے کلیئر کردیا تھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔