جب ملک ترقی کرنے لگتا ہے فتنہ خان جھتہ لیکر پاکستان پر حملہ آور ہوجاتا ہے، مریم نواز

 لاہور: مسلم لیگ (ن) کی نائب صدر مریم نواز نے پاکستان تحریک انصاف (پی ٹی آئی) کی جانب سے 25 مئی کو اسلام آباد کی طرف مارچ سے متعلق اعلان پر کہا ہے کہ جب بھی ملک ترقی کرنے لگتا ہے فتنہ خان اپنا جھتہ لیکر پاکستان پر حملہ آور ہوجاتا ہے۔ 

انہوں نے سماجی روابط کی ویب سائٹ ٹوئٹر پر کہا کہ 22 کروڑ عوام کی تقدیر کے فیصلے جھتوں و فتنہ بازوں کے ہاتھوں میں نہیں دے سکتے، اب پاکستان دشمنی کے خلاف ڈٹ جانے کا وقت آگیا ہے ڈٹ جانا چاہیے۔

جب بھی ملک ترقی کی طرف بڑھنے لگتا ہے، فتنہ خان اپنا جتھہ لے کر پاکستان پر حملہ آور ہو جاتا ہے۔ 22 کڑوڑ عوام کی تقدیر کے فیصلے جتھوں اور فتنہ بازوں کے ہاتھ میں نہیں دے سکتے۔ اب اس پاکستان دشمنی کے خلاف ڈٹ جانے کا وقت آ گیا ہے۔ ڈٹ جانا چاہیے۔

— Maryam Nawaz Sharif (@MaryamNSharif) May 22, 2022

خیال رہے کہ پشاور میں پی ٹی آئی کی کور کمیٹی کا اجلاس ہوا جس کے بعد تحریک انصاف کے چیئرمین عمران خان نے 25 مئی کو اسلام آباد کی جانب لانگ مارچ کا اعلان کیا اور کہا کہ ملکی خودمختاری کے لیے جتنا وقت بھی اسلام آباد میں رہنا پڑا رہیں گے، ہم جان کی قربانی دینے کے لیے بھی تیار ہیں فوج سے کہتا ہوں وہ نیوٹرل رہے۔